ശ്രീകണ്ഠപുരം:
ഉപജില്ല കേരള സ്കൂൾ കലോത്സവത്തിലെ മിന്നും താരമായി ഫാത്തിമത്തു സ്സഹ്റ.ആകെ മത്സരിച്ച ആറ് ഇനങ്ങളിലും എ ഗ്രേഡുകൾ സ്വന്തമാക്കി.പെരിന്തലേരി എയുപി സ്കൂളിലെ അഞ്ചാം ക്ലാസ് വിദ്യാർത്ഥിനിയാണ് ഫാത്തിമത്തുസ്സഹ്റ. യുപി വിഭാഗം സംഭാഷണത്തിൽ എ ഗ്രേഡ് ഒന്നാം സ്ഥാനവും കഥ പറയലിൽ എ ഗ്രേഡ് രണ്ടാം സ്ഥാനവും ഉൾപ്പെടെ ആറ് എ ഗ്രേഡുകളാണ് സഹ്റ സ്വന്തമാക്കിയത്. അറബി സംഘഗാനം, അറബി ഗാനം, ഖുർആൻ പാരായണം, മലയാളം പദ്യം ചൊല്ലൽ തുടങ്ങിയ ഇനങ്ങളിലാണ് എ ഗ്രേഡുകൾ ലഭിച്ചത്. 5 അറബി ഇനങ്ങളിലും ഒരു ജനറൽ ഇനത്തിലും ആണ് മത്സരിച്ചത്. കഴിഞ്ഞ വർഷത്തെ കലോത്സവത്തിൽ
അറബിക് പ്രശ്നോത്തരി, ലളിതഗാനം,ചിത്രരചന, തുടങ്ങിയ ഇനങ്ങളിൽ
ഫാത്തിമത്ത് സ്സഹ്റ താരമായിരുന്നു.
ലോക അറബിഭാഷ ദിനത്തോടനുബന്ധിച്ച് കഴിഞ്ഞദിവസം നടത്തിയ ഉപജില്ലാ ക്വിസ് മത്സരത്തിൽ രണ്ടാം സ്ഥാനം ലഭിച്ചത് ഈ മിടുക്കിക്കാണ്.വളക്കൈയിലെ ജാബിറിന്റെയും വി എ സാജിതയുടെയും മകളാണ്.