ഇരിക്കൂർ ഉപജില്ലാ അറബിക് ടീച്ചേഴ്സ് അക്കാദമിക് കോംപ്ളക്സിന് കീഴിൽ ഏകദിന ശില്പശാലയും അനുമോദനവും സംഘടിപ്പിച്ചു.
കേരള സ്കൂൾ കലോത്സവത്തിൽ സംസ്ഥാന തലം അറബിക് ഗാനം ഗ്രേഡ് നേടിയ ശ്രീകണ്ഠാപുരം ജിഎച്ച്എസ്എസ് വിദ്യാർത്ഥി മുഹമ്മദ് ബാരിസിനെയും, കേരള സർക്കാർ പൊതുവിദ്യാഭ്യാസ വകുപ്പ് അറബിക് യൂണിറ്റ് സംഘടിപ്പിച്ച കണ്ണൂർ ജില്ല അധ്യാപക ഫെസ്റ്റിലെ വിജയികളായ മുഹമ്മദ് അസ്ലം കെപി (ഇരിക്കൂർ ജി എച്ച്എസ്എസ്), ഇബ്രാഹിംകുട്ടി എം (ഇരിക്കൂർ ജിഎച്ച്എസ്എസ്), മുഹമ്മദ് റഫീഖ് ടി കെ (പെരിന്തിലേരി എ യുപിഎസ്), ഫരീദ യുപി (ബിടിഎം എഎൽപിഎസ് ചുഴലി), നൗഷാദ് കെ കെ (കാഞ്ഞിലേരി കെ എൽ പി എസ്) സൽമാനുൽ ഫാരിസ് (ഇരിക്കൂർ റഹ്മാനിയ എച്ച്എസ്എസ്) എന്നിവരെയും അലിഫ് വിങ്ങ് നടത്തിയ ജില്ലാതല കയ്യെഴുത്ത് മാസിക മത്സരത്തിൽ എച്ച് എസ് വിഭാഗത്തിൽ മൂന്നാം സ്ഥാനം നേടിയ ജിഎച്ച്എസ്എസ് ശ്രീകണ്ഠപുരത്തെയും ചടങ്ങിൽ അനുമോദിച്ചു. ശ്രീകണ്ഠാപുരം നഗരസഭ സ്റ്റാൻഡിങ് കമ്മിറ്റി ചെയർപേഴ്സൺ നസീമ വി പി ഉദ്ഘാടനം ചെയ്തു. മുഹമ്മദ് റഫീഖ് ടി കെ അധ്യക്ഷത വഹിച്ചു.ഐഎംഇ കെ എ മുജീബുള്ള മുഖ്യപ്രഭാഷണം നടത്തി.കെ പി ഷറഫുദ്ദീൻ,നൗഷാദ് കെ കെ, ബഷീർ ടി, ഫാത്തിമ കെ പി, ഹാരിസ് പി സംസാരിച്ചു.