ഇരിട്ടി: ഹരിതകർമ്മസേനയുടെ കാര്യശേഷിയും നൈപുണ്യവും വര്ധിപ്പിക്കുന്നതിനും അവര്ക്ക് മെച്ചപ്പെട്ട വരുമാനം ഉറപ്പുവരുത്തുന്നതിനും കേരള ഖരമാലിന്യ പരിപാലന പദ്ധതിയും (KSWMP) കിലയും സംയുക്തമായി സംഘടിപ്പിക്കുന്ന ത്രിദിന പരിശീലനം ഇരിട്ടി ബ്ലോക്ക് പഞ്ചായത്ത് ഹാളിൽ തുടങ്ങി. ഇരിട്ടി, മട്ടന്നൂർ മുനിസിപ്പാലിറ്റികളിലെ ഹരിതകർമ സേന അംഗങ്ങൾക്കു ആണ് കിലയുടെ നേതൃത്വത്തില് പ്രസ്തുത പരിശീലനം നടക്കുന്നത്. ഇരിട്ടി ബ്ലോക്ക് പഞ്ചായത്ത് പ്രസിഡന്റ് കെ വേലായുധൻ പരിശീലനം ഉദ്ഘാടനം ചെയ്തു. കെ.എസ്.ഡബ്ല്യൂ.എം.പി. ജില്ലാ സോഷ്യല് എക്സ്പര്ട്ട് വിനോദ് കുമാർ പരിശീലനത്തിന്റെ കാര്യപരിപാടികള് വിശദീകരിച്ചു. മാലിന്യ ശേഖരണം, തരംതിരിക്കല്, ഉറവിട ജൈവമാലിന്യ സംസ്കരണം, ആരോഗ്യസുരക്ഷാ മുന്കരുതലുകള്, മാലിന്യ പരിപാലനനിയമങ്ങള്, സാമൂഹിക സുരക്ഷാ സംവിധാനങ്ങള്, വരുമാനം മെച്ചപ്പെടുത്തല്, സംരംഭകത്വ സാധ്യതകള്, മികച്ച ആശയവിനിമയം, ലിംഗനീതിയും തൊഴിലിലെ അന്തസ്സും ഉറപ്പുവരുത്തല്, ഹരിതമിത്രം ആപ്പിന്റെ ഉപയോഗം തുടങ്ങി ഹരിതകര്മ്മസേനയുടെ കാര്യശേഷിയും നൈപുണ്യവും വര്ധിപ്പിക്കുന്നതിന് നിരവധി കാര്യങ്ങളാണ് ത്രിദിന പരിശീലനത്തില് ചര്ച്ച ചെയ്യുന്നത്. കിലയുടെ റിസോര്സ് പേഴ്സന്മാരായ ശ്രീ രവീന്ദ്രൻ മുണ്ടയാടൻ, ശ്രീ ദിവാകരൻ, കുടുംബശ്രീ എം.ഇ.സി ജ്യോതിർലത, ശുചിത്വമിഷന് വൈ.പി. നന്ദിത എന്നിവര് ക്ലാസുകള് നയിച്ചു. KSWMP എം & ഇ ശ്രീ ജിജു കെ ടി, തീമാറ്റിക് എക്സ്പർട്ട് ശ്രുതി, ശാലിനി, KSWMP എഞ്ചിനീയർസ് എന്നിവർ സെഷനുകൾ നിയന്ത്രിച്ചു.
ഇരിട്ടി: ഹരിതകർമ്മസേനയുടെ കാര്യശേഷിയും നൈപുണ്യവും വര്ധിപ്പിക്കുന്നതിനും അവര്ക്ക് മെച്ചപ്പെട്ട വരുമാനം ഉറപ്പുവരുത്തുന്നതിനും കേരള ഖരമാലിന്യ പരിപാലന പദ്ധതിയും (KSWMP) കിലയും സംയുക്തമായി സംഘടിപ്പിക്കുന്ന ത്രിദിന പരിശീലനം ഇരിട്ടി ബ്ലോക്ക് പഞ്ചായത്ത് ഹാളിൽ തുടങ്ങി. ഇരിട്ടി, മട്ടന്നൂർ മുനിസിപ്പാലിറ്റികളിലെ ഹരിതകർമ സേന അംഗങ്ങൾക്കു ആണ് കിലയുടെ നേതൃത്വത്തില് പ്രസ്തുത പരിശീലനം നടക്കുന്നത്. ഇരിട്ടി ബ്ലോക്ക് പഞ്ചായത്ത് പ്രസിഡന്റ് കെ വേലായുധൻ പരിശീലനം ഉദ്ഘാടനം ചെയ്തു. കെ.എസ്.ഡബ്ല്യൂ.എം.പി. ജില്ലാ സോഷ്യല് എക്സ്പര്ട്ട് വിനോദ് കുമാർ പരിശീലനത്തിന്റെ കാര്യപരിപാടികള് വിശദീകരിച്ചു. മാലിന്യ ശേഖരണം, തരംതിരിക്കല്, ഉറവിട ജൈവമാലിന്യ സംസ്കരണം, ആരോഗ്യസുരക്ഷാ മുന്കരുതലുകള്, മാലിന്യ പരിപാലനനിയമങ്ങള്, സാമൂഹിക സുരക്ഷാ സംവിധാനങ്ങള്, വരുമാനം മെച്ചപ്പെടുത്തല്, സംരംഭകത്വ സാധ്യതകള്, മികച്ച ആശയവിനിമയം, ലിംഗനീതിയും തൊഴിലിലെ അന്തസ്സും ഉറപ്പുവരുത്തല്, ഹരിതമിത്രം ആപ്പിന്റെ ഉപയോഗം തുടങ്ങി ഹരിതകര്മ്മസേനയുടെ കാര്യശേഷിയും നൈപുണ്യവും വര്ധിപ്പിക്കുന്നതിന് നിരവധി കാര്യങ്ങളാണ് ത്രിദിന പരിശീലനത്തില് ചര്ച്ച ചെയ്യുന്നത്. കിലയുടെ റിസോര്സ് പേഴ്സന്മാരായ ശ്രീ രവീന്ദ്രൻ മുണ്ടയാടൻ, ശ്രീ ദിവാകരൻ, കുടുംബശ്രീ എം.ഇ.സി ജ്യോതിർലത, ശുചിത്വമിഷന് വൈ.പി. നന്ദിത എന്നിവര് ക്ലാസുകള് നയിച്ചു. KSWMP എം & ഇ ശ്രീ ജിജു കെ ടി, തീമാറ്റിക് എക്സ്പർട്ട് ശ്രുതി, ശാലിനി, KSWMP എഞ്ചിനീയർസ് എന്നിവർ സെഷനുകൾ നിയന്ത്രിച്ചു.