നാഷണൽ എൻ ജി ഓ കോഫെഡറേഷന്റെ ഇമ്പ്ലിമെന്ററി ഏജൻസിയായ സർദാർ പട്ടേൽ ഇൻസ്റ്റിട്യൂട്ട് ഓഫ് അഡ്വാൻസ് റിസർച്ച് ആൻഡ് ഡെവലപ്മെന്റ് സൊസൈറ്റിയുടെ കീഴിൽ ബ്ലോക്ക് തലത്തിൽ പ്രവർത്തിക്കുന്ന സീഡിന്റെ നേതൃത്വത്തിൽ ഇരിക്കൂർ ബ്ലോക്ക് തല സ്കൂൾ കിറ്റ് വിതരണം ശ്രീകണ്ഠാപുരം നഗരസഭ ചെയർപേഴ്സൺ ഡോ. കെ വി ഫിലോമിന ടീച്ചർ ഉദ്ഘാടനം ചെയ്തു. റോയൽ മിനി ഓഡിറ്റോറിയത്തിൽ വെച്ച് നടന്ന ചടങ്ങിൽ കെ കെ സരോജനി സ്വാഗതം പറഞ്ഞു ,സ്വപ്ന കെ എൻ അധ്യക്ഷത വഹിച്ചു. സീഡ് ജില്ലാ മിഷൻ കോ ഓർഡിനേറ്റർ രാജാമണി പദ്ധതി വിശദീകരണം നടത്തി നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ നസീമ വി പി, കൗൺസിലർ കെ വി ഗീത ,രമ ,രമ്യ ,സന്ധ്യ,സിൽന ,സുമ കെ കെ എന്നിവർ ആശംസകൾ അറിയിച്ച് സംസാരിച്ചു .പ്രമോട്ടർ മഹിജ മണി നന്ദി രേഖപ്പെടുത്തി. ജനങ്ങൾക്ക് വേണ്ടി നിലനിൽക്കുന്ന ജനകീയ പ്രസ്ഥാനമായ സീഡ് സൊസൈറ്റി മെമ്പർമാരുടെ കുട്ടികൾക്ക് പകുതി വിലക്കാണ് സ്കൂൾ കിറ്റ് വിതരണം നടത്തിയത്.