ആഗോള അയ്യപ്പ സംഗമത്തിന് പച്ചക്കൊടി: നടത്താമെന്ന് ഇടക്കാല ഉത്തരവിട്ട് ഹൈക്കോടതി

ആഗോള അയ്യപ്പ സംഗമം തടയണമെന്നുള്ള ഹർജി ഹൈക്കോടതി തള്ളി. അയ്യപ്പ സംഗമം നടത്താമെന്ന് ഹൈക്കോടതി ഇടക്കാല ഉത്തരവിട്ടു. പമ്പയുടെ പരിശുദ്ധി കാത്തു സൂക്ഷിക്കണമെന്ന് ഹൈക്കോടതി പറഞ്ഞു. കര്‍ശന നിര്‍ദ്ദേശങ്ങളോടെയാണ് അനുമതി നല്‍കിയത്. വരവ് ചെലവ് കണക്കുകള്‍ സുതാര്യമാക്കണമെന്ന് ഹൈക്കോടതി പറഞ്ഞു. ഹർജികളിൽ ഉന്നയിക്കുന്ന മറ്റ് വിഷയങ്ങൾ പിന്നീട് വിശദമായി പരിഗണിക്കുമെന്ന് ഹൈക്കോടതി പറഞ്ഞു.

മാര്‍ഗ്ഗനിര്‍ദ്ദേശങ്ങള്‍

ശബരിമലയുടെ പവിത്രതയെ ബാധിക്കരുത്

സുതാര്യമായ സാമ്പത്തിക അക്കൗണ്ട് ദേവസ്വം ബോര്‍ഡ് സൂക്ഷിക്കണം

പ്രതിനിധികള്‍ക്ക് പ്രത്യേക പരിരക്ഷ നല്‍കരുത്

സാമ്പത്തിക സുതാര്യത പാലിച്ച് സംഗമം നടത്താം

ശബരിമലയുടെ പരിസ്ഥിതിയെ ദോഷകരമായി ബാധിക്കരുത്.