ഇതൊരു സാധാരണ ചിക്കൻ ഫ്രൈ അല്ല; ഇന്ന് ഉച്ചയൂണിന് ട്രൈ ചെയ്യാം വ്യത്യസ്തമായൊരു ചിക്കൻ ഫ്രൈ

എന്നും ഒരേ രീതിയിൽ ചിക്കൻ ഫ്രൈ ഉണ്ടാക്കി കഴിച്ച് മടുത്തോ ? എന്നാൽ ഇന്ന് ഉച്ചയൂണിന് വ്യത്യസ്തമായൊരു ചിക്കൻ ഫ്രൈ ഉണ്ടാക്കിയാലോ? അതും മിനുട്ടുകൾ കൊണ്ട്. രുചികരമായി ഉണ്ടാക്കാവുന്ന അഫ്ഗാനി ചിക്കൻ ഫ്രൈ തയ്യാറാക്കുന്നതെങ്ങനെയെന്ന് നോക്കാം.

ആവശ്യമായ സാധനങ്ങൾ

ചിക്കൻ – 2 കിലോ
ഇഞ്ചി വെളുത്തുള്ളി പേസ്റ്റ് -രണ്ട് ടേബിൾ സ്പൂൺ
പച്ച കുരുമുളക് ചതച്ചത് -2 ടേബിൾസ്പൂൺ
കടായി മസാല -2 ടീസ്പൂൺ
മുളകുപൊടി -2 ടീസ്പൂൺ
മല്ലിപ്പൊടി -ഒന്നര ടീസ്പൂൺ
മഞ്ഞൾ പൊടി -1 ടീസ്പൂൺ
ഗരം മസാല -ഒന്നര ടീസ്പൂൺ
പെരുംജീരകം ചതച്ചത് -ഒന്നര ടേബിൾസ്പൂൺ
മല്ലി ചതച്ചത് -ഒന്നര ടേബിൾസ്പൂൺ
മുട്ട -ഒന്ന്
കോൺഫ്ലവർ -രണ്ട് ടേബിൾ സ്പൂൺ
നാരങ്ങാനീര് -1
സോയ സോസ് -ഒരു ടേബിൾ സ്പൂൺ
മൈദ -2 ടേബിൾ സ്പൂൺ
എണ്ണ
ഉപ്പ്

ഉണ്ടാക്കുന്ന വിധം

ആദ്യം ചിക്കൻ കഴുകി നല്ലരീതിയിൽ വൃത്തിയാക്കുക. കഴുകി എടുത്ത ചിക്കനിലേക്ക് മുകളിൽ പറഞ്ഞ മസാലകൾ എല്ലാം ചേർത്ത് നല്ലപോലെ മിക്സ് ചെയ്ത് തേച്ചുപിടിപ്പിക്കുക, ഇതിലേക്ക് അവസാനം ഒരു ടേബിൾ സ്പൂൺ മൈദ മുകളിലായി തൂവി കൊടുക്കുക ഇനി ചിക്കൻ റസ്റ്റ് ചെയ്യാനായി മാറ്റിവയ്ക്കുക. ഒരു മണിക്കൂറെങ്കിലും റസ്റ്റ് ചെയ്യാനായി വെച്ചതിനുശേഷം നന്നായി ഫ്രൈ ചെയ്തെടുക്കാം. രുചിയൂറും അഫ്ഗാനി ചിക്കൻ ഫ്രൈ തയ്യാർ.