ചടയമംഗലത്ത് ഓടിക്കൊണ്ടിരുന്ന കെഎസ്ആര്ടിസി ബസിന് തീപിടിച്ചു. ചടയമംഗലം കുരിയോട് ഭാഗത്ത് വെച്ചാണ് ബസിന് തീ പിടിച്ചത്. കടക്കല് നിന്നും ഫയര് ഫോഴ്സ് എത്തിയാണ് തീ അണച്ചത്. യാത്രക്കാര് സുരക്ഷിതരാണ്.
പുനലൂരില് നിന്നും തിരുവനന്തപുരത്തേക്ക് പോയ ബസിന്റെ മുന് ടയറാണ് യാത്രയ്ക്കിടെ കത്തിയത്. ഇന്ന് പുലര്ച്ചെ അഞ്ചരയോടെയായിരുന്നു സംഭവം. അപകട സമയം എട്ട് യാത്രക്കാര് ബസിലുണ്ടായിരുന്നു. മുന്നിലൂടെ പുക ഉയരുന്നത് ശ്രദ്ധയില്പ്പെട്ട ഡ്രൈവര് ഉടന് തന്നെ വാഹനം റോഡരികില് നിര്ത്തുകയും യാത്രക്കാരെ പുറത്തിറക്കുകയുമായിരുന്നു. ഫയര്ഫോഴ്സ് എത്തി തീ പൂര്ണമായും അണച്ചിട്ടുണ്ട്.
0 Comments