നിയമലംഘനം: സീറ്റ് ബെൽറ്റ് ധരിക്കാതെയും മൊബൈൽ ഫോൺ ഉപയോ​ഗിച്ചും മന്ത്രിയുടെ പേഴ്സണൽ സ്റ്റാഫിന്റെയും എംഎൽഎയുടെയും കാർ യാത്ര

 

മോട്ടോർ വാഹന നിയമങ്ങൾ കാറ്റിൽ പറത്തി മന്ത്രി ഒ ജെ ജനീഷിൻ്റെ പേഴ്സൺ സ്റ്റാഫിന്റെയും കരുനാഗപ്പള്ളി എംഎൽഎയുടെയും കാർ യാത്ര.
കായിക വകുപ്പ് മന്ത്രി ഒ ജെ ജനീഷിൻ്റെ പേഴ്സണൽ സ്റ്റാഫ് അംഗം ജെയ്സൺ ജെയിംസും കരുനാഗപ്പള്ളി എംഎൽഎ സി ആർ മഹേഷുമാണ് നിയമങ്ങൾ ലംഘിച്ച് കാർ യാത്ര നടത്തിയത്.

ദൃശ്യങ്ങളിൽ കാർ ഓടിക്കുന്ന മന്ത്രിയുടെ പേഴ്സണൽ സ്റ്റാഫ് സീറ്റ് ബെൽറ്റ് ധരിച്ചിട്ടില്ലെന്ന് വ്യക്തമാണ്. വാഹനം ഓടിച്ചു കൊണ്ട് മൊബൈൽ ഫോണിൽ ദൃശ്യങ്ങൾ പകർത്തിയാണ് കാർ യാത്ര. കൂടെയുണ്ടായിരുന്ന എംഎൽഎ സി ആർ മഹേഷും സീറ്റ് ബെൽറ്റ് ധരിച്ചിട്ടില്ല. നിയമലംഘനം നടത്തുന്ന ദൃശ്യങ്ങൾ മന്ത്രിയുടെ പേഴ്സണൽ സ്റ്റാഫ് അംഗം തന്നെയാണ് സാമൂഹ്യ മാധ്യമങ്ങളിൽ പങ്കുവെച്ചത്.