കടുത്ത വെയിലത്തും കനത്ത മഴയത്തും കിടന്നിട്ട് ഈ ട്രെയിൻ പാളങ്ങൾ തുരുമ്പിക്കാത്തത് എന്തുകൊണ്ടാണെന്ന് എപ്പോഴെങ്കിലും ചിന്തിച്ചിട്ടുണ്ടോ. അതിന് പിന്നിലൊരു കാരണമുണ്ട്.
ഇത് വെറും ഇരുമ്പല്ല എന്നതാണ് യാഥാർത്ഥ്യം. റെയിൽവേ ട്രാക്കുകൾ നിർമ്മിക്കുന്നത് മാംഗനീസ് സ്റ്റീൽ ഉപയോഗിച്ചാണ്. ഇതിനെ ഹാഡ്ഫീൽഡ് സ്റ്റീൽ എന്നാണ് വിളിക്കുന്നത്. ഇതിൽ ഏകദേശം 12 ശതമാനം മാംഗനീസും ഒരു ശതമാനം കാർബണും അടങ്ങിയിട്ടുണ്ട്.
എന്താണ് ഈ മിശ്രിതത്തിന്റെ പ്രത്യേകത എന്നറിയാമോ? സാധാരണ ഇരുമ്പ് ഓക്സിജനുമായും ഈർപ്പവുമായും സമ്പർക്കത്തിൽ വരുമ്പോൾ അയൺ ഓക്സൈഡ് അഥവാ തുരുമ്പ് ഉണ്ടാവുന്നു. എന്നാൽ, മാംഗനീസ് സ്റ്റീൽ അന്തരീക്ഷത്തിലെ ഓക്സിജനുമായി അത്ര എളുപ്പത്തിൽ പ്രതികരിക്കില്ല. ഇത് തുരുമ്പ് പിടിക്കുന്ന പ്രക്രിയയെ വളരെ പതുക്കെയാക്കുന്നു.
പാളങ്ങൾ എപ്പോഴും വെട്ടിത്തിളങ്ങുന്നതിന്റെ പ്രധാന കാരണം ട്രെയിനുകൾ തന്നെയാണ്. ദിവസവും നൂറുകണക്കിന് ടൺ ഭാരമുള്ള ട്രെയിനുകൾ ഈ പാളങ്ങളിലൂടെ ഓടുന്നു. ചക്രങ്ങളും പാളങ്ങളും തമ്മിലുള്ള കഠിനമായ ഘർഷണം കാരണം ട്രാക്കിന്റെ മൂകൾവശം നിരന്തരം പോളിഷ് ചെയ്യപ്പെടുന്നു. ഇതുകാരണം ട്രാക്കിന് മുകളിൽ തുരുമ്പ് പിടിക്കാൻ സമയം കിട്ടുന്നില്ല എന്നതാണ് യാഥാർത്ഥ്യം.
അപ്പോൾ ഇനി ട്രെയിനിൽ യാത്രകളിൽ ജനലിലൂടെ നോക്കുമ്പോൾ ഈ തിളങ്ങുന്ന പാളങ്ങൾക്ക് പിന്നിലെ മാംഗനീസ് തന്ത്രം ഓർക്കുമല്ലോ.
.jpeg)
.gif)
0 تعليقات