രാഹുൽ ഗാന്ധിക്കെതിരെ അപകീർത്തി പരാമർശം; ബിജെപി നേതാവ് കെ ശ്രീകാന്തിനെതിരെ പൊലീസിൽ പരാതി നൽകി ടിഒ മോഹനൻ എംഎൽഎ

കണ്ണൂർ: ലോക്സഭാ പ്രതിപക്ഷ നേതാവ് രാഹുൽ ഗാന്ധിക്കെതിരെ അപകീർത്തികരമായ പരാമർശം നടത്തിയ ബി.ജെ.പി നേതാവ് കെ. ശ്രീകാന്തിനെതിരെ പോലീസിൽ പരാതി നൽകി. ടി.ഒ. മോഹനൻ എം.എൽ.എയാണ് ശ്രീകാന്തിനെതിരെ പോലീസിൽ പരാതി നൽകിയത്. കണ്ണൂരിൽ നടന്ന ഒരു ബി.ജെ.പി പരിപാടിയിൽ സംസാരിക്കവെ രാഹുൽ ഗാന്ധിക്ക് തെരുവ് നായയുടെ സ്വഭാവമാണെന്ന രീതിയിലായിരുന്നു കെ. ശ്രീകാന്തിന്റെ പരാമർശം. ഈ വിവാദ പ്രസംഗത്തിനെതിരെയാണ് കോൺഗ്രസ് നേതൃത്വം ഔദ്യോഗികമായി നിയമനടപടികളുമായി രംഗത്തെത്തിയിരിക്കുന്നത്.