.gif)
ലണ്ടന്‍: ഉപഗ്രഹങ്ങളെ ഉപയോഗിച്ച്‌ യുക്രെയ്നെ സഹായിക്കുന്നത് തുടര്‍ന്നാല്‍ അമേരിക്കയുടെ ഉപഗ്രഹങ്ങളെ ലക്ഷ്യമാക്കുമെന്ന് റഷ്യയുടെ ഭീഷണി.മുതിര്‍ന്ന വിദേശകാര്യ മന്ത്രാലയ ഉദ്യോഗസ്ഥന്‍ കോണ്‍സ്റ്റാന്റിന്‍ വൊറോണ്ട്സോവ് ആണ് മുന്നറിയിപ്പ് നല്‍കിയത്. 1957 ആദ്യമായി മനുഷ്യനിര്‍മിത ഉപഗ്രഹം വിക്ഷേപിക്കുകയും 1961ല്‍ ആദ്യമായി മനുഷ്യനെ ബഹിരാകാശത്ത് അയക്കുകയും ചെയ്ത റഷ്യക്ക് ബഹിരാകാശത്തില്‍ വ്യക്തമായ ആധിപത്യമുണ്ട്. 2021ല്‍ സ്വന്തം ഉപഗ്രഹത്തെ തകര്‍ക്കാനായി റഷ്യ ഉപഗ്രഹവേധ മിസൈല്‍ വിക്ഷേപിച്ചിരുന്നു. അമേരിക്ക അപകടകരമായ കളിയാണ് കളിക്കുന്നത്.യുക്രെയ്നിന്റെ യുദ്ധനീക്കങ്ങളെ സഹായിക്കുന്നത് പ്രകോപനപരമാണെന്ന് അദ്ദേഹം കൂട്ടിച്ചേര്‍ത്തു. ഏതെങ്കിലും പ്രത്യേക ഉപഗ്രഹത്തിന്റെ പേര് അദ്ദേഹം വ്യക്തമാക്കിയില്ല.
