.gif)
ശ്രീകണ്ഠപുരം: നവംബർ 1 കേരള പിറവി ദിനത്തിൽ ശ്രീകണ്ഠപുരം നഗരസഭയുടെ ആഭിമുഖ്യത്തിൽ വാർഡ് കൗൺസിലർമാർ, ഉദ്യോഗസ്ഥർ എന്നിവരെ ഉൾകൊള്ളിച്ച് മലയാള ഭാഷ ദിനാചരണം സംഘടിപ്പിച്ചു. മലയാള ഭാഷ ദിനാചാരണ പരുപാടി ഉദ്ഘാടനം ദേശീയ അധ്യാപക അവാർഡ് ജേതാവ് രാധാകൃഷ്ണൻ മാസ്റ്റർ മാണിക്കോത്ത് നിർവഹിച്ചു. ശ്രീകണ്ഠാപുരം നഗരസഭ ചെയർപേഴ്സൺ ഡോ. കെ വി ഫിലോമിന ടീച്ചർ അധ്യക്ഷത വഹിച്ച ചടങ്ങിൽ നഗരസഭാ സെക്രട്ടറി കെ അഭിലാഷ്, സ്ഥിരം സമിതി അധ്യക്ഷന്മാരായ ജോസഫിന ടീച്ചർ, പി പി ചന്ദ്രംഗദൻ മാസ്റ്റർ, കെ സി ജോസഫ് കൊന്നക്കൽ, വി പി നസീമ, ത്രേസ്യാമ്മ മാത്യു, വാർഡ് കൗൺസിലർ കെ വി ഗീത, സിഡിഎസ് ചെയർപേഴ്സൺ എ ഓമന, റവന്യൂ ഇൻസ്പെക്ടർ കെ പി ലക്ഷ്മണൻ എന്നിവർ പ്രസംഗിച്ചു. നഗരസഭ വൈസ് ചെയർമാൻ കെ ശിവദാസൻ ഭരണ ഭാഷ പ്രതിജ്ഞക്ക് നേതൃത്വം കൊടുത്തു.
