ധീരതാ പുരസ്കാരം: കേരളത്തിൽ നിന്ന് 3 മിടുക്കർ

ന്യൂഡൽഹി: ഇന്ത്യൻ കൗൺസിൽ ഫോർ ചൈൽഡ് വെൽഫെയർ ഏർപ്പെടുത്തിയ ധീരതാ പുരസ്കാരത്തിന് കേരളത്തിൽ നിന്ന് ഇക്കുറി 3 പേർ അർഹരായി. കോവിഡ് മൂലം ഒഴിവാക്കിയിരുന്ന മുൻവർഷങ്ങളിലെ പുരസ്കാരദാന ചടങ്ങും ഇക്കുറി ഒരുമിച്ചു നടത്തും. ഇവർ ഉൾപ്പെടെ 11 മലയാളി വിദ്യാർഥികൾക്ക് 25ന് രാഷ്ട്രപതി പുരസ്കാരം സമ്മാനിക്കും. കുറ്റ്യാടി തളീക്കരയിൽ തോട്ടിൽ വീണ 5 വയസ്സുകാരനെ രക്ഷപ്പെടുത്തിയ മുഹമ്മദ് നിഹാദ് (12)​, കടലുണ്ടി പുഴയിൽ മുങ്ങിയ കൂട്ടുകാരെ രക്ഷിച്ച തേഞ്ഞിപ്പലം ചെനക്കലങ്ങാടി മേടപ്പിൽ അഹ്മ​ദ് ഫാസ്‌ (15), പാറപ്പുറത്ത് മുഹമ്മദ് ഇർഫാൻ (15) എന്നിവർക്കാണ് പുരസ്കാരം. പോ​ത്തി​ന്റെ അക്രമത്തിൽ നിന്നു ബാ​ലി​ക​യെ ര​ക്ഷപ്പെ​ടു​ത്തി​യ കോഴിക്കോട്​ ക​ട​മേ​രി സ്കൂ​ൾ 8–ാം ക്ലാ​സ് വി​ദ്യാ​ർ​ഥി ടി.​എ​ൻ.ഷാനി​സ് അ​ബ്ദു​ല്ല​, കനാലിൽ വീണ 3 വയസ്സുകാരനെ രക്ഷപ്പെടുത്തിയ രാ​മ​വ​ർമപു​രം പ​ള്ളി​മൂ​ല മ​ണ്ണാ​ത്ത് വീട്ടിലെ എ​യ്ഞ്ച​ൽ മ​രി​യ ജോ​യ് (10), പുഴയിൽ വീണ കുട്ടിയെ രക്ഷപ്പെടുത്തിയ വയനാട് മാനന്തവാടി തലപ്പുഴ കരുണാലയത്തിൽ ശിവകൃഷ്ണൻ, കുളത്തിൽ അപകടത്തിൽപെട്ട 3 പേരുടെ ജീവൻ രക്ഷിച്ച ശീതൾ ശശി, തെങ്ങിന്റെ മുകളിൽ കുടുങ്ങിയ തൊഴിലാളിയെ രക്ഷപ്പെടുത്തിയ മലപ്പുറം അരിയല്ലൂർ നമ്പാല ഋതുജി, തോട്ടിൽ മുങ്ങിത്താഴ്ന്ന ബന്ധുക്കളായ കുട്ടികളെ രക്ഷിച്ച മലപ്പുറം വേങ്ങരയിലെ ആ ഉമർ മുഖ്താർ, വയനാട് പാതിരിച്ചാലിലെ ജയകൃഷ്ണൻ ബാബു, മലപ്പുറം വള്ളുവമ്പ്രത്തെ മുഹമ്മദ് ഹംറാസ് എന്നിവരാണ് പുരസ്കാരത്തിന് അർഹരായ മറ്റുള്ളവർ.