കേരളത്തിലെ വേനൽക്കാല ജലലഭ്യത വര്‍ദ്ധിപ്പിച്ച് ജലസംഭരണം ഉറപ്പാക്കുന്നതിനായി ഹരിതകേരളം മിഷന്റെ ആഭിമുഖ്യത്തിൽ ഓരോ ഗ്രാമപഞ്ചായത്തിലും ജലബജറ്റ് തയ്യാറാക്കുകയാണ്. ആദ്യഘട്ടമെന്ന നിലയിൽ 15 ബ്ലോക്കു പഞ്ചായത്തുകളിൽ ഉള്‍പ്പെട്ട 94 ഗ്രാമപഞ്ചായത്തുകളിലാണ് നൂറുദിന കര്‍മപരിപാടിയുടെ ഭാഗമായി ജലബജറ്റ് പൂര്‍ത്തീകരിച്ചിട്ടുള്ളത്. രാജ്യത്താദ്യമായാണ് ഇത്തരമൊരു പദ്ധതി നടപ്പാക്കുന്നത്.
ദേശീയ ശരാശരിയുടെ മൂന്നിരട്ടി ജലലഭ്യതയുള്ള കേരളത്തിന്റെ ജലലഭ്യത ഓരോ വര്‍ഷവും കുറഞ്ഞുവരുന്നതായാണ് പഠനങ്ങള്‍ കാണിക്കുന്നത്. ഓരോ പ്രദേശത്തും ജലത്തിന്റെ ലഭ്യതയും ഉപയോഗവും ഓരോ തരത്തിലാണ്. കേരളത്തിന്റെ ഭൂപ്രകൃതിയും മഴയുടെ പ്രത്യേകതകളും പരിഗണിച്ച് സൂക്ഷ്മതലത്തിലുള്ള ഇടപെടലിലൂടെ മാത്രമേ ജലസുരക്ഷയിലേക്ക് എത്തിച്ചേരാനാകൂ.
ജലബജറ്റിലൂടെ ഓരോ പ്രദേശത്തേയും ജല ആവശ്യങ്ങൾ പരിശോധിച്ച് ജലലഭ്യതയുമായി താരതമ്യം ചെയ്യുകയും അതിനനുസൃതമായി അവിടത്തെ ജല ഉപഭോഗം നിശ്ചയിക്കുകയും ചെയ്യുന്നു. ജലസംരക്ഷണത്തിനും സുരക്ഷിത വിനിയോഗത്തിനും ഉപയുക്തമാവുന്ന വിവരങ്ങള്‍ ജലബജറ്റു ലഭ്യമാക്കും. അവ ഉപയോഗിച്ച് പ്രാദേശിക തലത്തിൽ ജനപങ്കാളിത്തത്തോടു കൂടി ജലസംരക്ഷണ പ്രവർത്തനങ്ങൾ ഏറ്റെടുത്ത് നടപ്പാക്കുകയും ചെയ്യും. കേരളത്തിന്റെ ജലസുരക്ഷ ഉറപ്പാക്കാൻ ഇതുവഴി സാധിക്കുമെന്നും
മുഖ്യമന്ത്രി പറഞ്ഞു
.jpg)
.jpg)
