കണ്ണൂർ: വിവിധ വകുപ്പുകളുടെ സംയോജിത പ്രവർത്തനങ്ങളിലൂടെ മഴക്കാലപൂർവ ശുചീകരണം ആരംഭിക്കണമെന്ന് കളക്ടർ എസ്.ചന്ദ്രശേഖർ പറഞ്ഞു. കളക്ടറുടെ ചേംബറിൽ ചേർന്ന വിവിധ വകുപ്പുതല ഉദ്യോഗസ്ഥരുടെ അവലോകന യോഗത്തിലാണ് നിർദേശം.
പകർച്ചവ്യാധി നിയന്ത്രണവുമായി ബന്ധപ്പെട്ട ആരോഗ്യജാഗ്രത 2023 പദ്ധതിയുടെ മാർഗരേഖ ജില്ലാ സർവയലൻസ് ഓഫീസർ ഡോ. എം.പി.ജീജ അവതരിപ്പിച്ചു.
റിപ്പോർട്ടിന്റെ അടിസ്ഥാനത്തിൽ ഉളിക്കൽ, പായം, ചിറ്റാരിപ്പറമ്പ്, പെരിങ്ങോം-വയക്കര, ചെറുപുഴ, ആലക്കോട്, തലശ്ശേരി മുനിസിപ്പാലിറ്റി, അയ്യങ്കുന്ന്, കോളയാട്, മുഴക്കുന്ന്, കണ്ണൂർ കോർപ്പറേഷൻ എന്നിവിടങ്ങൾ ഡെങ്കി ഹോട്ട് സ്പോട്ട് പ്രദേശങ്ങളും കണ്ണൂർ കോർപ്പറേഷൻ, ചിറക്കൽ, ഉളിക്കൽ, അഴീക്കോട്, പായം, കോളയാട്, ആറളം, തലശ്ശേരി മുനിസിപ്പാലിറ്റി എന്നിവിടങ്ങൾ മന്ത് രോഗ ഹോട്ട് സ്പോട്ട് പ്രദേശങ്ങളുമാണ്. യോഗത്തിൽ ജില്ലാ മെഡിക്കൽ ഓഫീസർ (ആരോഗ്യം) ഡോ. കെ നാരായണ നായിക്, വിവിധ വകുപ്പിലെ ഉദ്യോഗസ്ഥർ എന്നിവർ പങ്കെടുത്തു.
.jpg)
.jpg)
