ന്യൂയോര്ക്ക്: യുഎസിലെ ഫിലാഡല്ഫിയയില് മലയാളി യുവാവ് വെടിയേറ്റു മരിച്ചു. കൊല്ലം ആയൂര് മലപ്പേരൂര് സ്വദേശി ജൂഡ് ചാക്കോ(21) ആണ് കൊല്ലപ്പെട്ടത്. അഴകത്ത് വീട്ടില് റോയ്-ആശ ദമ്പതികളുടെ മകനാണ് ജൂഡ്. ജോലി കഴിഞ്ഞ് മടങ്ങുമ്പോള് അജ്ഞാതൻ ജൂഡിനുനേരെ നിറയൊഴിക്കുകയായിരുന്നുവെന്നാണ് വിവരം.യുവാവിനെ പരിക്കുകളോടെ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. മോഷണ ശ്രമത്തിനിടെയായിരുന്നു വെടിയേറ്റത് എന്നാണ് പൊലീസിന്റെ പ്രാഥമിക നിഗമനം.റോയ് അയൂര് സ്വദേശിയും, ആശ കൊട്ടാരക്കര സ്വദേശിനിയുമാണ്. കുടുംബം യുഎസില് സ്ഥിരതാമസമാക്കിയവരാണ്. ആറ് വര്ഷം മുമ്പാണ് ജൂഡ് കേരളത്തിലെത്തിയത്. ജൂഡിന്റെ കുടുംബം 30 വര്ഷമായി അമേരിക്കയിലാണ്. ബിബിഎ വിദ്യാര്ത്ഥിയായ ജൂഡ് പഠനത്തോടൊപ്പെം ജോലിയും ചെയ്തിരുന്നു. ഫിലഡല്ഫിയയിലെ സ്ഥാപനത്തില്നിന്ന് ജോലി കഴിഞ്ഞ് മടങ്ങവേയായിരുന്നു ആക്രമണം. ജൂഡ് ജനിച്ചതും വളര്ന്നതും അമേരിക്കയിലാണ്.സംസ്കാരം ശനിയാഴ്ച ഫിലാഡല്ഫിയയിലെ മലങ്കര കത്തോലിക്ക പള്ളിയില് നടക്കാനാണ് സാധ്യത.