പത്ത് വയസുവരെയുള്ള കുട്ടികള്ക്ക് ഇരുചക്ര വാഹനങ്ങളില് മൂന്നാമത്തെ യാത്രക്കാരനായി യാത്ര ചെയ്യാന് അനുമതി നല്കണം എന്നാവശ്യപ്പെട്ട് സി പി ഐ എം രാജ്യസഭാ കക്ഷി നേതാവ് എളമരം കരീം എം പി കേന്ദ്ര ഉപരിതല ഗതാഗത വകുപ്പ് മന്ത്രി നിതിന് ഗഡ്കരിക്ക് കത്ത് നല്കി.
കേന്ദ്ര മോട്ടോര് വാഹന നിയമത്തിലെ 128-ാം വകുപ്പ് പ്രകാരം ഇരുചക്ര മോട്ടോര് വാഹനങ്ങളില് രണ്ട് പേര്ക്ക് മാത്രമേ യാത്ര ചെയ്യാന് അനുമതിയുള്ളൂ. ലക്ഷക്കണക്കിന് സാധാരണ കുടുംബങ്ങളെയാണ് ഈ വ്യവസ്ഥ ദോഷകരമായി ബാധിക്കുന്നത്.
പൊതുതാല്പര്യം പരിഗണിച്ച് പത്ത് വയസ് വരെയുള്ള കുട്ടികള്ക്ക് ഹെല്മെറ്റ് ഉള്പ്പെടെയുള്ള ആവശ്യമായ സുരക്ഷാ മുന്കരുതലുകള് സ്വീകരിച്ച് കൊണ്ട് ഇരുചക്ര മോട്ടോര് വാഹനങ്ങളില് മൂന്നാമത്തെ യാത്രികരായി യാത്ര ചെയ്യാന് അനുവാദം നല്കണമെന്നും ഇതിനായി കേന്ദ്ര നിയമത്തില് ആവശ്യമായ ഭേദഗതി വരുത്തണമെന്നും കത്തില് ആവശ്യപ്പെട്ടു.