.gif)
ജനങ്ങൾക്ക് ഇഷ്ട്ടപ്പെടുന്ന, കേരളത്തെ മുന്നോട്ടു കൊണ്ടുപോകുന്ന ബജറ്റ് ആകും ഇത്തവണത്തേതെന്ന് മന്ത്രി കെ എൻ ബാലഗോപാൽ. സർക്കാരിന് വലിയ പരിമിതികളുണ്ട്. വരുമാന വർദ്ധനവാണ് ഇത്തവണ ബജറ്റ് ലക്ഷ്യമിടുന്നതെന്നും ധനമന്ത്രി വ്യക്തമാക്കി. ജനങ്ങൾക്ക് വേണ്ടി എല്ലാം ചെയ്യുമെന്ന വിശ്വാസം സർക്കാരിൽ ജനങ്ങൾക്കുണ്ട്. അതുകൊണ്ടു തന്നെ ജനങ്ങൾക്ക് ഇഷ്ടപ്പെട്ട, കേരളത്തെ മുന്നോട്ടുകൊണ്ടുപോകുന്ന ബജറ്റാകും ഇത്തവണതേത്.സർക്കാരിന് വലിയ പരിമിതിയുണ്ട്. അതിനുള്ളിൽ നിന്നു കൊണ്ട് പ്രവർത്തിക്കും. സംസ്ഥാനത്തിന്റെ വരുമാനം വർദ്ധിപ്പിക്കുന്നതിന് വേണ്ടിയുള്ള നടപടി ഉണ്ടാകും. ജനങ്ങൾക്ക് വലിയ ബാധ്യത ഉണ്ടാകാത്ത തരത്തിലുള്ള നികുതി വർദ്ധനവ് ഉണ്ടാകും. ശ്വാസം മുട്ടിക്കുന്ന നടപടിയാണ് കേന്ദ്രത്തിന്റെ ഭാഗത്തുനിന്നും ഉണ്ടാകുന്നത്. ഞങ്ങൾ കേരളത്തിനും രാജ്യത്തിനും വേണ്ടിയാണ് സംസാരിച്ചു കൊണ്ടിരിക്കുന്നതെന്നും മന്ത്രി പറഞ്ഞുകർണാടകം കേന്ദ്രത്തിനെതിരെ സമരം ചെയ്യുമ്പോൾ കേരളത്തിലെ കോൺഗ്രസിന്റെ നിലപാട് അറിയാൻ താത്പര്യമുണ്ടെന്നും മന്ത്രി പ്രതികരിച്ചു
