ഗാസയിലേക്ക് സഹായവുമായി പുറപ്പെട്ട മെഡ്‌ലീന്‍ കപ്പൽ തടഞ്ഞ് ഇസ്രായേൽ സൈന്യം

​ഗാസ സിറ്റി: ഇസ്രായേലിൻറെ ആക്രമണത്തിലും ഉപരോധത്തിലും ദുരിതത്തിലായ ഫലസ്തീനികൾക്ക്​ സഹായവുമായി പുറപ്പെട്ട മെഡ്‌ലീന്‍ കപ്പൽ തടഞ്ഞ് ഇസ്രായേൽ കമാൻഡോകൾ. കപ്പലുമായുള്ള ആശയവിനിമയം നഷ്ടപ്പെട്ടു. പരിസ്ഥിതി പ്രവർത്തക ഗ്രെറ്റ തുംബർഗ് അടക്കം 12 ആക്ടിവിസ്റ്റുകളാണ് ഇറ്റലിയിൽ നിന്ന് പുറപ്പെട്ട കപ്പലിലുള്ളത്. കപ്പൽ തടയുമെന്നും ആക്​റ്റിവിസ്റ്റുകളെ തിരിച്ചയക്കുമെന്നും ഇസ്രായേൽ സേന മുന്നറിയിപ്പ്​ നൽകിയിരുന്നു. 24 മണിക്കൂറിനുള്ളിൽ ഗാസയിൽ 108 പേരാണ് കൊല്ലപ്പെട്ടത്. ഭക്ഷണം തേടിയെത്തിയവർക്ക്​ നേരെ സേന നടത്തിയ വെടിവെപ്പിൽ 13 മരണം കൂടി. ഇന്ധനം തീർന്നതോടെ അവശേഷിച്ച ഗാസ ആശുപത്രികളും അടച്ചുപൂട്ടലിൻ വക്കിലാണ് മൂ​ന്ന് മാ​സ​മാ​യി ഇ​സ്രാ​യേ​ൽ ഉ​പ​രോ​ധം നേ​രി​ടു​ന്ന ഫ​ല​സ്തീ​നി​ക​ൾ​ക്ക് സ​ഹാ​യ​വു​മാ​യി പുറപ്പെട്ട ഫ്രീഡം ​ഫ്​ളോട്ടിലയുടെ ഭാഗമായ മെഡ്‌ലീന്‍ ക​പ്പ​ൽ ഇ​ന്ന് രാവിലെയാണ്​ ഗാ​സ തീ​ര​ത്തേക്ക് കടന്നത്​. ഇന്നലെ ഉ​ച്ച​യോ​ടെയാണ്​ ക​പ്പ​ൽ ഈ​ജി​പ്ത് തീ​ര​ത്തെ​ത്തിയത്​. പ​രി​സ്ഥി​തി പ്ര​വ​ർ​ത്ത​ക ​ഗ്രെ​റ്റ തുംബർ​ഗി​ന്റെ നേ​തൃ​ത്വ​ത്തി​ലാ​ണ് 12 സ​ന്ന​ദ്ധ പ്ര​വ​ർ​ത്ത​ക​ർ സ​ഹാ​യ​വു​മാ​യി കപ്പലിലുള്ളത്​. ഇ​സ്രാ​യേ​ൽ ഉ​പ​രോ​ധം മ​റി​ക​ട​ക്കു​മെ​ന്നും ഗാസ​യി​ലേ​ക്ക് മാ​നു​ഷി​ക സ​ഹാ​യ വി​ത​ര​ണ ഇ​ട​നാ​ഴി തു​റ​ക്കു​മെ​ന്നും തും​ബ​ർ​ഗ് പ​റ​ഞ്ഞു. ഫ്രീ ​ഗാ​സ മൂവ്മെന്റി​ന്റെ ഗാ​സ ഫ്രീ​ഡം ​ഫ്ലോ​ട്ടി​ല​യാ​ണ് ​യാ​ത്ര സം​ഘ​ടി​പ്പി​ക്കു​ന്ന​ത്. മെഡ്‌ലീന്‍ ഗാസ തീ​ര​ത്ത് അ​ടു​ക്കു​ന്ന​ത് ത​ട​യാ​ൻ സൈ​ന്യ​ത്തി​ന് നി​ർ​ദേ​ശം നൽകി​യ​താ​യി പ്ര​തി​രോ​ധ​മ​ന്ത്രി ഇ​സ്രാ​യേ​ൽ കാ​റ്റ്സ് പ​റ​ഞ്ഞു.കപ്പൽ തടഞ്ഞ്​ ആക്​റ്റിവിസ്റ്റുക​ളെ ഉടൻ വിമാന മാർഗം തിരിച്ചയക്കുമെന്ന്​ ഇസ്രായേൽ സൈനിക വൃത്തങ്ങൾ അറിയിച്ചു. മെ​ഡി​​റ്റ​റേ​നി​യ​ൻ ദ്വീ​പി​ൽ ഇ​റ്റ​ലി​യു​ടെ ഭാ​ഗ​മാ​യ സി​സി​ലി​യി​ൽ​നി​ന്ന് ജൂ​ൺ ഒ​ന്നി​ന്​ പുറപ്പെട്ട ക​പ്പ​ൽ 2000 കി​ലോ​മീ​റ്റ​ർ താ​ണ്ടി​യാ​ണ് ഈ​ജി​പ്ത് തീ​ര​ത്ത് എ​ത്തി​യ​ത്. അതിനിടെ, ഗാസയുടെ ഭാഗങ്ങളിൽ ഇസ്രായേൽ നടത്തിയ ആക്രമണങ്ങളിൽ പിന്നിട്ട 24 മണിക്കൂറിനിടെ 108 ഫലസ്തീനികൾ കൊല്ലപ്പെട്ടു. ഖാൻ യൂനുസിൽ താമസകേന്ദ്രത്തിനു നേരെയുണ്ടായ വ്യോമാക്രമണങ്ങളിൽ എട്ട് കുട്ടികൾ ഉൾപ്പെടെ 16 പേർ കൊല്ലപ്പെട്ടു. റഫയിൽ ഗാസ ഹ്യുമാനിറ്റേറിയൻ ഫൗ​ണ്ടേഷൻറെ രണ്ട്​ കേന്ദ്രങ്ങളിൽ ഭക്ഷണം തേടിയെത്തിയവർക്കു നേരെ വീണ്ടും വെടിവെപ്പുണ്ടായതിൽ 13 പേർ മരിച്ചു. നൂറിലേറെ പേർക്ക്​ പരിക്കേറ്റതായും ഗസ്സ ആരോഗ്യ വകുപ്പ്​ അറിയിച്ചു. ഗാസയിൽ ആരോഗ്യ സംവിധാനം പൂർണ തകർച്ച നേരിടുന്നതായി ലോകാരോഗ്യ സംഘടന അറിയിച്ചു. വംശഹത്യയുടെ ഏറ്റവും ക്രൂരമായ ഘട്ടത്തിലേക്കാണ്​ ഗാസ നീങ്ങുന്നതെന്ന് അന്താരാഷ്ട്ര ​ മെഡിക്കൽ ആൻഡ്​ ഹ്യുമാനിറ്റേറിയൻ എയിഡ്​ അധികൃതർ മുന്നറിയിപ്പ്​ നൽകി.

WE ONE KERALA -NM