മട്ടന്നൂർ നിയോജക മണ്ഡലം സമഗ്ര വിദ്യാഭ്യാസ പദ്ധതിയായ തരംഗത്തിൻ്റെ ഉദ്ഘാടനം കേരള നിയമസഭ സ്പീക്കർ എം.ബി രാജേഷ് നിർവ്വഹിച്ചു.

മട്ടന്നൂർ നിയോജക മണ്ഡലം സമഗ്ര വിദ്യാഭ്യാസ പദ്ധതിയായ തരംഗത്തിൻ്റേയും വിവൺ കേരള ചിറ്റാരിപ്പറമ്പ് ഗവ. ഹയർ സെക്കൻ്ററി സ്കൂളിന് വേണ്ടി നിർമ്മിച്ച കെട്ടിടങ്ങളുടേയും ബോധനോദ്യാനത്തിൻ്റയും ഉദ്ഘാടനം കേരള നിയമസഭ സ്പീക്കർ MB രാജേഷ് ചിറ്റാരിപ്പറമ്പ് ഗവൺമെൻ്റ് ഹയർ സെക്കൻററി സ്ക്കൂളിൽ വച്ച് തിങ്കളാഴ്ച നടന്ന ചടങ്ങിൽ നിർവഹിച്ചു. വി.വൺ.

കെ കെ ശൈലജ ടീച്ചർ MLA അദ്ധ്യക്ഷത വഹിച്ചു. ശിശു വിദ്യാഭ്യാസം മുതൽ ഉന്നത വിദ്യാഭ്യാസം വരെയുള്ള മേഖലകളിൽ സമഗ്ര മാറ്റത്തിന് ഉതകുന്ന വിധം ഭൗതിക.അക്കാദമിക, സാങ്കേതിക രംഗത്ത് മികവ് വർദ്ധിപ്പിക്കുക എന്ന ലക്ഷ്യത്തോടെയാണ് മട്ടന്നൂർ നിയോജക മണ്ഡലത്തിലെ വിദ്യാഭ്യാസ മേഖലയ്ക്ക് ഉണർവും ദിശാബോധവും പകരുന്ന തരംഗം എന്ന പദ്ധതിക്ക് രൂപം നൽകിയിട്ടുള്ളത്.