.gif)
ഇരിക്കൂർ: ഇരിക്കൂർ അഡീഷണൽ ഐസിഡി എസ് പരിധിയിലെ അങ്കണവാടി ജീവനക്കാരുടെ യാത്രയയപ്പ് സമ്മേളനം പെരുമണ്ണിൽ നടന്നു. പെരുമണ്ണ് നാരായണ വിലാസം എൽപി സ്കൂൾ ഹാളിൽ നടന്ന പരിപാടി ഇരിക്കൂർ ബ്ലോക്ക് പഞ്ചായത്ത് വൈസ് പ്രസിഡണ്ട് ഒ.എസ്. ലിസി ഉദ്ഘാടനം ചെയ്തു. ഇരിക്കൂർ അഡീഷണൽ ഐസിഡിഎസ് ആഭിമുഖ്യത്തിൽ സർവ്വീസിൽ നിന്നും വിരമിക്കുന്ന . അങ്കണവാടി പ്രവർത്തകർക്കുള്ള യാത്രയയപ്പ് സമ്മേളനമാണ് പെരുമണ്ണ് . നാരായണവിലാസം എൽ.പി.സ്കൂളിൽ നടന്നത്. ഐസിഡി എസ് പ്രൊജക്ട് ഓഫീസർ നിഷ പാലത്തടത്തിൽ അധ്യക്ഷത വഹിച്ചു. ഇരിക്കൂർ ബ്ലോക്ക് പഞ്ചായത്ത് മെമ്പർ ബേബിതോലാനി, പടിയൂർ ഗ്രാമപഞ്ചായത്ത് അംഗംരാജൻ, സിസിലിബേബി, രാധാമണി, മേരിക്കുട്ടി ശ്രീജ, സുജാത എന്നിവർ പ്രസംഗിച്ചു.
അങ്കണവാടി ജീവനക്കാരായ നളിനി,രമണി, മറിയാമ്മ, പങ്കജാക്ഷി, ചന്ദ്രിക, രാധാമണി, ഏലമ്മ എന്നിവരാണ് സർവീസിൽ നിന്നും വിരമിക്കുന്നത്. തുടർന്ന്
ഇരിക്കൂർ അഡീഷണൽ ഐ സിഡി എസ് , പ്രൊജക്ട് ഓഫീസറും സഹപ്രവർത്തകരും അങ്കണവാടി ജീവനക്കാരും ചേർന്ന് കവിത, ഓട്ടംതുള്ളൽ, തിരുവാതിര തുടങ്ങി
വിവിധ കലാപരിപാടികളും അവതരിപ്പിച്ചു.
