ഇരിട്ടി: വൃക്ക രോഗികളെ സഹായിക്കാൻ ഇരിട്ടി കനിവ് വെൽഫെയർ സൊസൈറ്റി ഏർപ്പെടുത്തിയ ഗൂഗിൾ ചലഞ്ചിന് ഭാഗമായുള്ള ക്യു ആർ കോഡ് സ്റ്റിക്കർ വിവിധയിടങ്ങളിൽ പതിക്കൽ പദ്ധതിയുടെ ഉദ്ഘാടനം ഇരിട്ടി ഡി വൈ എസ് പി സജേഷ് വാഴാളപ്പിൽ നിർവഹിച്ചു. ഇരിട്ടി പോലീസ് സ്റ്റേഷനിൽ സ്റ്റിക്കർ പതിച്ചുകൊണ്ടായിരുന്നു ഉദ്ഘാടനം.
ഇരിട്ടി താലൂക്ക് ആശുപത്രി ഡയാലിസിസ് സെൻററിൽ പാവപ്പെട്ട രോഗികൾക്ക് ഡയാലിസിസ് ചെയ്യുന്നതിനായി
ഡയാലിസിസ് യൂണിറ്റ് പ്രവർത്തിപ്പിക്കുന്നതിന് ഭാരിച്ച ചെലവാണ് വേണ്ടി വരുന്നത്. അതിനാൽ
ഇതിൻ്റെ പ്രവർത്തനത്തിനായി രൂപീകരിച്ച കനിവ് കിഡ്നി വെൽഫെയർ സൊസൈറ്റിയുടെ നേതൃത്വത്തിൽ ഗൂഗിൾ പേ ചലഞ്ചിലൂടെ ധനസമാഹരണം നടന്നുവരികയാണ്. ഇതിൻ്റെ ഭാഗമായാണ് ഗൂഗിൾ പേ യുടെ ക്യു ആർ കോഡ് വിവിധയിടങ്ങളിൽ സ്ഥാപിച്ചു തുടങ്ങിയത്. ഇരിട്ടി നഗരസഭ ചെയർപേഴ്സൺ കെ. ശ്രീലത, വൈസ് ചെയർമാർ പി.പി. ഉസ്മാൻ, പ്രിൻസിപ്പൽ എസ് ഐ ദിനേശൻ കൊതേരി, കൗൺസിലർ കെ. സുരേഷ്, അയ്യൂബ് പൊയിലൻ, അജയൻ പായം തുടങ്ങിയവർ പങ്കെടുത്തു.