ശ്രീകണ്ഠാപുരം: പാർലമെൻ്റററി സംവിധാനത്തെ കുറിച്ച് അവബോധം സൃഷ്ടിക്കാനും,ജനങ്ങളുടെ പ്രശ്നങ്ങൾ നേരിട്ട് മനസ്സിലാക്കി പരിഹാരങ്ങൾ കണ്ടെത്താനും സർക്കാറിൻ്റെ വിവിധ പദ്ധതികൾ ,ഫണ്ടുകൾ, നയരൂപീകരണത്തിൻ്റെ വിവിധ മേഖലകൾ എന്നിവ മനസ്സിലാക്കുന്നതിനുമായി ഇരിക്കൂർ എം.എൽ.എ അഡ്വ.സജീവ് ജോസഫിൻ്റെ ഓഫീസിൽ ഇൻ്റേൺഷിപ്പിന് അവസരം ഒരുക്കുന്നു.
ഡ്രിഗ്രി പഠനം പൂർത്തിയാക്കിയ 21 വയസ്സിന് മുകളിൽ പ്രായമുള്ളവർക്കാണ് മൂന്നു മാസത്തെ മുഴുവൻ സമയവും ആറു മാസത്തേ പാർട്ട് ടൈമുമായിട്ടാണ് പദ്ധതി ക്രമീകരിച്ചിരിക്കുന്നത്.
ഒരോ ബാച്ചിലും 10 പേർക്കാണ് ഇൻ്റേൺഷിപ്പിന് അവസരം ലഭിക്കുക.
എം.എൽ.എയുടെ ഓഫീസ് കേന്ദ്രീകരിച്ചും വിവിധ ഭരണ സംവിധാനങ്ങൾ കേന്ദ്രീകരിച്ചും മണ്ഡലത്തിലെ താഴെ തട്ടിലുള്ള പ്രശ്നങ്ങൾ മനസ്സിലാക്കുന്നതു മുതൽ നിയമസഭ സന്ദർശിച്ച് നിയമനിർമാണത്തിൻ്റെ തലങ്ങൾ മനസ്സിലാക്കുന്നതിനും, സർക്കാറിൻ്റെ വിവിധ തലങ്ങളിലുള്ളവരുമായി നേരിട്ട് സംവദിക്കുന്നതിനും രാജ്യത്തിൻ്റെ അകത്തും പുറത്തും നിന്നുമുള്ള വിദഗ്ധരുമായി കൂടിക്കാഴ്ച നടത്തുന്നതിനുമായി പുതിയ തലമുറയ്ക്ക് ലഭികുന്ന അവസരമാണിത്.
ഇൻ്റേൺഷിപ്പിന് താല്പര്യമുള്ളവർ അവരുടെ വിശദമായ ബയോഡാറ്റയയും സ്റ്റേറ്റ്മെൻ്റ് ഓഫ് പർപ്പസും
sajeevjoseph.office@gmail.com എന്ന ഇമെയിൽ അഡ്രസ്സിൽ ഓഗസ്റ്റ് 20 ന് മുമ്പായി അയക്കേണ്ടതാണ്.