ശ്രീകണ്ഠപുരം: നല്ല മനുഷ്യനാകാൻ വിദ്യാർത്ഥികൾ സമൂഹത്തിലറങ്ങി പ്രവർത്തിക്കണമെന്നും, നാടിനോടും രാജ്യത്തോടും പ്രതിബദ്ധത ഉള്ളവരാകണം പുതിയ തലമുറയെന്നും കണ്ണൂർ കോർപറേഷൻ മേയർ അഡ്വ ടി ഒ മോഹനൻ അഭിപ്രായപ്പെട്ടു. മനുഷ്യത്വം ഇല്ലങ്കിൽ പുസ്തക പഠനംകൊണ്ട് പ്രയോജനമില്ലെന്നും അദ്ദേഹം കൂട്ടിച്ചേർത്തു.
ശ്രീകണ്ഠപുരം നഗരസഭയിലെ കൈതപ്രം വാർഡിൽ കൗൺസിലർ കെയർ പദ്ധതിയുടെ ഭാഗമായി എക്സലൻസ് അവാർഡ് 2022 എന്ന പേരിൽ സംഘടിപ്പിച്ച ഉന്നതവിജയികൾക്കുള്ള അനുമോദന പരിപാടി ഉൽഘാടനം ചെയ്യുകയായിരുന്നു അദ്ദേഹം. വാർഡ് കൗൺസിലർ വിജിൽ മോഹനൻ അധ്യക്ഷനായി മേരിഗിരി സ്കൂൾ പ്രിൻസിപ്പൽ ബ്രദർ ഡോ. റജി സ്കറിയ മുഖ്യാഥിതിയായി. വികസന സമിതി കൺവീനർ പി പി മധുസൂദനൻ, പി പി ഷാജി എന്നിവർ സംസാരിച്ചു. എസ്എസ്എൽ സി, ഹയർ സെക്കണ്ടറി പരീക്ഷകളിൽ ഉന്നത വിജയം നേടിയവരെയും, എൽ എസ് എസ്, യു എസ് എസ്, വെള്ളൂർ യൂണിവേഴ്സിറ്റിയിൽ ഒന്നാം റാങ്കും, ഗോൾഡ് മെഡലും നേടിയ അഞ്ജുഷ എ കെ യെയും അനുമോദിച്ചു.