.gif)
പയ്യാവൂർ: പാടാംകവല വിശുദ്ധ മദർ തെരേസാ ദേവാലയത്തിൽ വിശുദ്ധ മദർ തെരേസയുടെ നവനാൾ പ്രാർത്ഥനയ്ക്കും തിരുനാൾ ആഘോഷത്തിനും ഊട്ടുനേർച്ചയ്ക്കും ഇടവകാ വികാരി ഫാ. ജിസ് കളപ്പുരയ്ക്കൽ കൊടിയേറ്റിയതോടെ തുടക്കമായി. തുടർന്ന് നടന്ന വിശുദ്ധ കുർബാന, വചന സന്ദേശം, നൊവേന എന്നിവയ്ക്ക് ഫാ. നോബിൾ ഓണംകുളും മുഖ്യ കാർമ്മികത്വം വഹിച്ചു. ആഘോഷങ്ങൾ സെപ്റ്റംബർ അഞ്ചിന് സമാപിക്കും. ഇന്ന് (ശനി) മുതൽ സെപ്റ്റംബർ അഞ്ചുവ രെ നടക്കും . ഇന്ന് (ശനി) മുതൽ സെപ്റ്റംബർ നാല് വരെ എല്ലാ ദിവസവും വൈകുന്നേരം 3.30 മുതൽ നടക്കുന്ന ജപമാല, നൊവേന,വിശുദ്ധ കുർബാന, വചന സന്ദേശം എന്നിവയ്ക്ക് ഫാ.ബിജു മറ്റത്തിൽ, ഫാ. പയസ് പടിഞ്ഞാറേമുറി, ഫാ.ജോസഫ് ചാത്തനാട്ട്, ഫാ.അലക്സ് നിരപ്പേൽ , ഫാ. ഡെന്നീസ് നെല്ലിത്താനത്ത്, ഫാ. അജി കുഴിയാനിമറ്റം, ഫാ.ജോസഫ് മാമ്പള്ളിക്കുന്നേൽ, ഫാ.മാത്യു ആശാരിപ്പറമ്പിൽ ,ഫാ ജോബി നിരപ്പേൽ എന്നിവർ മുഖ്യ കാർമ്മികത്വം. സമാപന ദിവസമായ അഞ്ചിന് രാവിലെ 10.-ന് നടക്കുന്ന ആഘോഷമായ തിരുനാൾ കുർബാനയ്ക്ക് തലശേരി അതിരൂപത ആർച്ച്ബിഷപ്പ് എമിരറ്റസ് മാർ. ജോർജ് ഞരളക്കാട്ട് മുഖ്യ കാർമ്മികത്വം വഹിക്കും. തുടർന്ന് ആഘോഷമായ ഊട്ട് നേർച്ച.
