.gif)
ഇരിട്ടി: നളന്ദ കലാസാഹിത്യ വേദി ഇരിട്ടിയുടെ ആഭിമുഖ്യത്തിൽ നടന്ന "നളന്ദ ഓണം 2022 " ഓൺലൈൻ ഓണാഘോഷ മത്സര വിജയികൾക്കുള്ള സമ്മാനദാനവും സർഗ്ഗസംഗമവും കവയിത്രി .ടി .പി നിഷ ടീച്ചർ ഉദ്ഘാടനം ചെയ്തു. ഇരിട്ടി വ്യാപാരഭവനിൽ വച്ച് നടന്ന സംഗമത്തിൽ "മനുഷ്യനന്മയുടെ കൂട്ടായ്മയാണ് കലയും ആഘോഷങ്ങളും നൽകുന്നത് " എന്ന് ടീച്ചർ അഭിപ്രായപ്പെട്ടു.
ശ്രീ: ബാബു. സി കീഴൂർ, ശ്രിമതി രജനി ഗണേഷ്, ശ്രീ :തോമസ്സ് മാത്യൂ മാസ്റ്റർ എന്നിവർ ആശംസകൾ അർപ്പിച്ച പരിപാടിയിൽ നളന്ദ അംഗങ്ങൾ, കവിതാലാപനം, കഥ വായന, മിമിക്രി, ഗാനങ്ങൾ എന്നിവ അവതരിപ്പിച്ചു. ഹനീഫ ഇരിട്ടി അദ്ധ്യക്ഷത വഹിച്ച പരിപാടിയിൽ ഷാജു പാറയ്ക്കൽ സ്വാഗതവും ജയേഷ് പായം നന്ദിയും പറഞ്ഞു.
