ഒരു വട്ടം കൂടിയാ സ്കൂളിന്റെ തിരുമുറ്റത്ത്.

പയ്യാവൂർ: നീണ്ട 45 വർഷങ്ങൾക്കു ശേഷം പഴയ സഹപാഠികൾ വീണ്ടും ഒത്തുചേർന്നു. പയ്യാവൂർ സേക്രട്ട് ഹാർട്ട് ഹൈസ്കൂൾ 1976-77 ബാച്ചിന്റെ പൂർവ്വ വിദ്യാർത്ഥി സംഗമം എവർഗ്രീൻ 77  എന്ന പേരിൽ വിവിധങ്ങളായ പരിപാടികളോടെ സേക്രട്ട് ഹാർട്ട് ഹൈസ്കൂൾ ഓഡിറ്റോറിയത്തിൽ വച്ച് നടന്നു. സ്കൂൾ മാനേജർ ഫാ. ജെയ്സൺ പള്ളിക്കര സംഗമം ഉദ്ഘാടനം ചെയ്തു. പയ്യാവൂർ  ബാലകൃഷ്ണൻ അധ്യക്ഷത വഹിച്ചു. അജിത് കുമാർ അനുശോചന പ്രമേയം അവതരിപ്പിച്ചു. കെ ടി സിറിയക്ക് ആമുഖ പ്രഭാഷണം നടത്തി. പ്രവർത്തന റിപ്പോർട്ടും വരവ് -ചിലവ് കണക്കുകളും സെക്രട്ടറി തോമസ് എം എം അവതരിപ്പിച്ചു.ചടങ്ങിൽ, സ്റ്റാഫ്‌ പ്രതിനിധി ജോസഫ് ആക്കാംപറമ്പിലിനെ പൊന്നാട അണിയിച്ച് ആദരിച്ചു.വിൽസൺ  ആളോത്ത്, ജോസഫ് വി സി, ജോൺ വി കെ, സക്കറിയ, രത്നാമണി, ആനീസ് ടി കുര്യൻ, ആർ കെ മാനുവൽ എന്നിവർ സംസാരിച്ചു. അംഗങ്ങളുടെ വ്യത്യസ്തങ്ങളായ കലാ പരിപാടികളും അരങ്ങേറി.