CHC കീഴ്പ്പള്ളി ആരോഗ്യ വിഭാഗം പരിശോധന തുടരുന്നു. ആറളം പഞ്ചായത്തില എടൂർ, ആറളം, കാരാപറമ്പ്, ചെടിക്കുളം ടൗണുകളിൽ പരിശോധന നടത്തി. വൃത്തിഹീനമായ പ്രവർത്തിച്ച ഹോട്ടൽ എടൂരിൽ അടച്ച് പൂട്ടി സ്ഥാപനങ്ങൾക്ക് നോട്ടീസ് നൽകി. 5000 രൂപ ഫൈൻ ഈടാക്കി പഴകിയ ഭക്ഷണ സാധനങ്ങൾ പിടിച്ചെടുത്തു. ശുചിത്വ മാനദണ്ഡങ്ങൾ പാലിക്കാതെയും, ലൈസൻസില്ലാതെയും, കോട്പ സൈൻ ബോർഡ് ഇല്ലാതെയും പ്രവർത്തിക്കുന്ന 6 സ്ഥാപനങ്ങൾക്ക് നോട്ടീസ് നൽകി. ഹെൽത്ത് ഇൻസ്പെക്ടർ ജോസഫ് ഫിലിപ്പ്, ബിനോജ് സി.കെ, വിനോഭൻ കെ.ടി, ഷാഫി അലി, എന്നിവർ നേതൃത്വം നൽകി. വരും ദിവസങ്ങളിലും പരിശോധന തുടരുന്നതാണെന്ന് ആരോഗ്യ പ്രവർത്തകർ അറിയിച്ചു.
റിപ്പോർട്ട്: കെ.ബി ഉത്തമൻ