.
ക്യാമ്പിന്റെ മുന്നൊരുക്കങ്ങൾ വിലയിരുത്തുന്നതിനും ജില്ലയിലെ സംഘടനാ കാര്യങ്ങൾ അവലോകനം ചെയ്യുന്നതിനുമായി കണ്ണൂർ ഡിസിസി ഓഫീസിൽ വെച്ച് ചേർന്ന ജില്ലാ ഭാരവാഹികളുടെ യോഗം കേരളത്തിന്റെ ചുമതലയുള്ള യൂത്ത് കോൺഗ്രസ് ദേശീയ ജനറൽ സെക്രട്ടറി ശ്രാവൺ റാവു ഉദ്ഘാടനം ചെയ്തു. ചടങ്ങിൽ ക്യാമ്പിന്റെ ഓദ്യോഗിക പോസ്റ്റർ ശ്രാവൺ റാവുവും യൂത്ത് കോൺഗ്രസ് സംസ്ഥാന വൈസ് പ്രസിഡന്റ് റിജിൽ മാക്കുറ്റിയും ചേർന്ന് പ്രകാശനം ചെയ്തു. ശനി ,ഞായർ ദിവസങ്ങളിലായി നടക്കുന്ന ക്യാമ്പിൽ ജില്ലാ ഭാരവാഹികൾ, ജില്ലാ എക്സിക്യൂട്ടീവ് അംഗങ്ങൾ, ബ്ലോക്ക് പ്രസിഡന്റ്, ബ്ലോക്ക് ഭാരവാഹികൾ,മണ്ഡലം പ്രസിഡന്റ്മാർ ക്യാമ്പിൽ പങ്കെടുക്കും. രാഷ്ട്രീയ സാമൂഹിക സാംസ്കാരിക മേഖലയിലുള്ള വ്യക്തിത്വങ്ങൾ ക്യാമ്പിൽ ക്ലാസുകൾ നയിക്കും. കോൺഗ്രസിന്റെയും യൂത്ത് കോൺഗ്രസിന്റെയും ദേശീയ സംസ്ഥാന നേതാക്കൾ രണ്ട് ദിവസങ്ങളിലായി പ്രതിനിധികളെ അഭിസംബോധനം ചെയ്ത് സംസാരിക്കും. സംഘടനാ, രാഷ്ട്രീയ പ്രമേയങ്ങളിൽ ചർച്ചകൾ നടക്കും.
യുവജന വഞ്ചന നടത്തി മുന്നോട്ടു പോകുന്ന സർക്കാരി നെതിരെയുള്ള സമര പരമ്പരകൾ, യൂണിവേഴ്സിറ്റി ഉൾപ്പെടെയുള്ള സർക്കാർ പൊതു മേഖല സ്ഥാപനങ്ങളിലെ പിൻവാതിൽ നിയമനം, ഇന്ത്യൻ ഭരണഘടനയെ പോലും തകർക്കുന്ന സംഘപരിവാർ സമഗ്രാധിപത്യം, യൂത്ത് കോൺഗ്രസ് രാജീവ് ഗാന്ധി യൂണിറ്റ് കമ്മിറ്റി രൂപീകരണം തുടങ്ങി ആനുകാലിക രാഷ്ട്രീയ വിഷയങ്ങളിൽ ചർച്ചകളും ക്ലാസുകളും ക്യാമ്പിന്റെ ഭാഗമായി സംഘടിപ്പിക്കും.യൂത്ത് കോൺഗ്രസ് ജില്ലാ പ്രസിഡന്റ് സുദീപ് ജെയിംസ് യോഗത്തിൽ അധ്യക്ഷത വഹിച്ചു സംസ്ഥാന സെക്രട്ടറിമാരായ സന്ദീപ് പാണപ്പുഴ, ഷിബിന വി. കെ, സംസ്ഥാന എക്സിക്യൂട്ടീവ് അംഗം രാഹുൽ ദാമോദരൻ, ജസ്റ്റിസൺ ചാണ്ടിക്കൊല്ലി, ജില്ലാ വൈസ് പ്രസിഡന്റ് മാരായ വി രാഹുൽ, ദിലീപ് മാത്യു തുടങ്ങിയവർ സംസാരിച്ചു.