.gif)
മണിക്കടവ്: പെൺകുട്ടികളിൽ ആത്മവിശ്വാസം വർദ്ധിപ്പിക്കുന്നതിനും ശാരീരിക ക്ഷമത ഉറപ്പു വരുത്തുന്നതിനുമായി സ്ത്രീ ശാക്തീകരണത്തിൻ്റെ ഭാഗമായി മണിക്കടവ് സെൻറ് തോമസ് ഹയർ സെക്കൻ്ററി സ്കൂളിൽ കരിയർ ഗൈഡൻസ് ആൻ്റ് അഡോളസെൻ്റ് കൗൺസിലിങ്ങ് സെല്ലിൻ്റെ ആഭിമുഖ്യത്തിൽ മുപ്പത് പെൺകുട്ടികൾക്ക് കരാട്ടെ പരിശീലനം നൽകുന്ന കരുത്ത് എന്ന പ്രോഗ്രാമിൻ്റെ ഉദ്ഘാടനം ഉളിക്കൽ ഗ്രാമപഞ്ചായത്ത് പ്രസിഡണ്ട് പി സി ഷാജി നിർവ്വഹിച്ചു
.സ്കൂൾ മാനേജർ റവ. ഫാദർ പയസ് പടിഞ്ഞാറെ മുറിയിൽ അധ്യക്ഷത വഹിച്ചു .പി റ്റി എ പ്രസിഡണ്ട് ബേബി എടത്തട്ടേൽ, ഗ്രാമ പഞ്ചായത്ത് മെമ്പർ ജാൻസി കുന്നേൽ, ഒ.വി ഷാജു ഗ്രാമ പഞ്ചായത്ത് വികസന കാര്യ സ്റ്റാൻ്റിങ്ങ് കമ്മിറ്റി ചെയർമാൻ, അധ്യാപക പ്രതിനിധി ശോഭ ടോം എന്നിവർ ആശംസകൾ നേർന്നു.
കരാട്ടെ പരിശീലകൻ സന്തോഷ് മാത്യു കരാട്ടെ പ്രോഗ്രാമിൻ്റെ വിശദീകരണവും, പരിശീലനം ലഭിച്ച മുപ്പത് പെൺകുട്ടികളുടെകരാട്ടെ പ്രദർശനത്തിന് നേതൃത്വവും നൽകി.സ്റ്റാഫ് സെക്രട്ടറി പ്രസാദ് പി.എ സ്വാഗതം ആശംസിച്ച ചടങ്ങിൽ കരുത്ത് കോഡിനേറ്റർ രേഷ്മ റോബർട്ട് നന്ദി രേഖപ്പെടുത്തി.ഉദ്ഘാടന ചടങ്ങിന് ശേഷം പെൺകരുത്ത് വിളിച്ചോതുന്ന കരാട്ടെ പ്രദർശനം കാണികൾക്ക് നവ്യാനുഭവം ആയിരുന്നു.
