ഇരിട്ടി:കേരള എക്സൈസ് വകുപ്പ് വിമുക്തിമിഷൻ നേതൃത്വത്തിൽ ലഹരിക്കെതിരെ നടന്നു വരുന്ന വിമുക്തി ലഹരി വിരുദ്ധ ക്യാംപയിൻ്റെ ഭഗമായി ഇരിട്ടി എക്സൈസ് റെയിഞ്ച് - ഇരിട്ടി ഹയർ സെക്കണ്ടറി സ്കൂൾ പി.ടി.എ എന്നിവയുടെ നേതൃത്വത്തിൽ സംഘടിപ്പിക്കുന്ന സൗഹൃദ ക്രിക്കറ്റ് മത്സരം.ഫിബ്രുവരി 20 ന് വൈകിട്ട് 4 മണിക്ക് പുന്നാട് എ.ടി.സ്പോർട്സ് ടർഫിൽ വെച്ച് നടക്കും.ഇരിട്ടി എക്സൈസ് റെയിഞ്ചിനു വേണ്ടി എക്സൈസ് ഇൻസ്പെക്ടർ സി.രജിത്ത് ക്യാപ്റ്റനായ ടീം ഇരിട്ടി ഹയർ സെക്കണ്ടറി സ്കൂൾ പ്രധാനാ ധ്യാപകൻ എം.ബാബു ക്യാപ്റ്റനായ സ്കൂൾ പിടിഎ ടീമുമായി ഏറ്റുമുട്ടും.എക്സൈസ് ടീമിനു വേണ്ടി കെ.പി.പ്രമോദ്, സി.ഹണി,(വൈസ് ക്യാപ്റ്റൻ), പി.കെ.സജേഷ് (വിക്കറ്റ് കീപ്പർ ), കെ.കെ.ബിജു, കെ.പി.സനേഷ്, ടി. നെൽസൺ, ഒ. റിനീഷ്,പി.ആദർശ് കെ.എൻ രവി, വി.കെ അനിൽകുമാർ,എന്നിവർ കളത്തിലിറങ്ങും.കെ.ഉമ്മർ ( മാനേജർ), ടി.എം.കേശവൻ ( സപ്പോർട്ടിങ് സ്റ്റാഫ്) എന്നിവരുംടീമിനൊപ്പമുണ്ട്. ഇരിട്ടി ഹയർ സെക്കണ്ടറി സ്കൂളിനു വേണ്ടി പി.ടി.എ അംഗങ്ങളായ കെ.കെ.ജോഷിത്ത് (വൈസ് ക്യാപ്റ്റൻ) കെ.എം.സുധീഷ് ( വിക്കറ്റ് കീപ്പർ ), സന്തോഷ് കോയിറ്റി (ടീം മാനേജർ),പി.വി.അബ്ദുൾ റഹ്മാൻ, പി.രഞ്ചിത്ത്, ടി.എം.ഫക്രുദ്ധീൻ, അയൂബ് പൊയിലൻ, പി.സന്തോഷ്, സി.ഹരീഷ്, പി.മനീഷ്, എം.പ്രദീപൻ, ശ്യാം എന്നിവർ എക്സൈസ് ടീമിനോട് ഏറ്റുമുട്ടും.
20 ന് വൈകീട്ട് 4 മണിക്ക് പുന്നാട് നടക്കുന്ന മത്സരം ഇരിട്ടി നഗരസഭ ചെയർപേഴ്സൺ കെ.ശ്രീലത ഉദ്ഘാടനം ചെയ്യും. എക്സൈസ് വകുപ്പ് ഉദ്യോഗസ്ഥർ, ജനപ്രതിനിധികൾ എന്നിവർ ചടങ്ങിൽ പങ്കാളികളാവുമെന്ന് അധികൃതർ അറിയിച്ചു.