.gif)
ഗുരുഗ്രാം: ഭാര്യ സഹോദരനെ വിവാഹം ചെയ്തതറിഞ്ഞ് പ്രകോപിതനായ യുവാവ് 7 മാസം പ്രായമായ കുഞ്ഞിനെ കൊലപ്പെടുത്തി. ഹരിയാനയിലെ ഗുരുഗ്രാമിലാണ് ഞെട്ടിക്കുന്ന സംഭവം.പ്രതിയായ ബീഹാർ സ്വദേശി വിജയ് സഹായിയെ (30 ) അറസ്റ്റ് ചെയ്തതായി പോലീസ് അറിയിച്ചു. കുഞ്ഞിനെ കൊലപ്പെടുത്തി മണിക്കൂറുകള്‍ക്കുള്ളില്‍ തന്നെ പൊലീസ് പ്രതിയെ പിടികൂടുകയായിരുന്നു.വിജയ് മാലമോഷണക്കേസില്‍ അറസ്റ്റിലായി കഴിഞ്ഞ നാല് വർഷമായി ജയിലിലായിരുന്നു. ഈ സമയത്ത് ഭാര്യ ഇയാളുടെ ഇളയ സഹോദരനെ വിവാഹം കഴിക്കുകയായിരുന്നു. പിന്നീട്‌ ഇവർക്കൊരു പെണ്‍കുഞ്ഞും ജനിച്ചു.
ഏപ്രില്‍ 24 ന് ജയിലില്‍ നിന്നും പുറത്തിറങ്ങിയപ്പോഴാണ് ഭാര്യ സഹോദരനെ വിവാഹം ചെയ്ത വിവരം ഇയാള്‍ അറിയുന്നത്. ഇതില്‍ രോഷാകുലനായ പ്രതി വേർപിരിഞ്ഞ ഭാര്യയുമായി വഴക്കിടുകയും ചെയ്തു. ഭാര്യയോടുള്ള ദേഷ്യത്തില്‍ ഇവരുടെ 7 മാസം പ്രായമുള്ള കുഞ്ഞിനെ ഇയാള്‍ നിലത്തെറിഞ്ഞു കൊന്ന ശേഷം ഓടി രക്ഷപ്പെടുകയായിരുന്നു.നാതുപുര ഗ്രാമപ്രദേശത്ത് പെണ്‍കുഞ്ഞിനെ അബോധാവസ്ഥയില്‍ കണ്ടതായുള്ള വിവരത്തിന്റെ അടിസ്ഥാനത്തില്‍ പിറ്റേന്ന് രാവിലെ പൊലീസ് സ്ഥലത്തെത്തി മൃതദേഹം കണ്ടെത്തി. പോസ്റ്റ്മോർട്ടം നടപടികള്‍ക്കായി കുഞ്ഞിന്റെ മൃതദേഹം ആശുപത്രിയിലേക്ക് മാറ്റി. സംഭവത്തില്‍ അന്വേഷണം പുരോഗമിക്കുകയാണ്.
we one kerala sj
