മൂന്ന് പോസ്റ്ററുകൾ കൊണ്ട് കാന്താര ചാപ്റ്റർ 1 നേടിയത് 35 കോടി രൂപ

കാന്താര എന്ന ബ്ലോക്ക്ബസ്റ്റർ ചിത്രത്തിന്റെ പ്രീക്വൽ ആയി എത്തുന്ന കാന്താര ചാപ്റ്റർ 1, ഈ വർഷം റിലീസിനായി പ്രേക്ഷകർ ഏറ്റവും അധികം ആകാക്ഷയോടെ കാത്തിരിക്കുന്ന ചിത്രങ്ങളിലൊന്നാണ്. ട്രെയിലറുകളോ ടീസറുകളോ പുറത്തിറങ്ങിയിട്ടില്ലാത്ത ചിത്രത്തിന്റെ റിലീസിന് മുമ്പുള്ള വിതരണാവകശം വിറ്റതിലൂടെ മാത്രം സ്വന്തമാക്കിയിരിക്കുന്നത് 35 കോടി രൂപയാണ്.

ഋഷഭ് ഷെട്ടി സൃഷ്ടിക്കുന്ന മാന്ത്രികത കാണാനായി ആവേശത്തോടെയാണ് ആരാധകർ കാത്തിരിക്കുന്നത്. റിലീസിന് ഒരു മാസത്തിൽ താഴെ മാത്രം അവശേഷിക്കെ നിർമാതാക്കളായ ഹോംബാലെ ഫിലിംസിന് പ്രീ റിലീസ് സെയിലിലൂടെ തന്നെ വൻ ജാക്ക്പോട്ട് നേടിയതായാണ് പുറത്തെത്തുന്ന റിപ്പോർട്ടുകൾ സൂചിപ്പിക്കുന്നത്.

ചിത്രത്തിന്റേതായി മൂന്ന് പോസ്റ്ററുകൾ മാത്രമാണ് ഇതുവരെ പുറത്തെത്തിയിട്ടുള്ളത്. അത് തന്നെ ചിത്രത്തിന് ഹൈപ്പ് സൃഷ്ടിക്കാൻ സഹായിച്ചു എന്നാണ് കരുതപ്പെടുന്നത്.

125 കോടി രൂപയാണ് ചിത്രത്തിന്റെ നിർമാണ ബജറ്റ്. കന്നഡ, ഹിന്ദി, തെലുങ്ക്, മലയാളം, തമിഴ്, ബംഗാളി, ഇംഗ്ലീഷ് ഭാഷകളിലായി 30-ലധികം രാജ്യങ്ങളിൽ ചിത്രം റിലീസ് ചെയ്യുന്നുണ്ട്. ഒക്ടോബർ 2 ന് റിലീസ് തീരുമാനിച്ചിരിക്കുന്ന ചിത്രം ആദ്യ ദിനം തന്നെ കളക്ഷനിൽ 50 കോടി നേടുമെന്നാണ് പ്രതീക്ഷിക്കുന്നത്.