ലയൺസ് ക്ലബ് ഓണാഘോഷവും ആദരവും സംഘടിപ്പിച്ചു .

ഇരിട്ടി : ലയൺസ് ക്ലബ് ഇരിട്ടിയുടെ ആഭിമുഖ്യത്തിൽ  ഓണാഘോഷവും ആദരവും ചതിരൂർ  110 സങ്കേതത്തിൽ വിവിധ പരിപാടികളോടെ സംഘടിപ്പിച്ചു .ആഘോഷങ്ങളുടെ ഭാഗമായി സങ്കേതത്തിലെ കുടുംബങ്ങളും ഉപകുടുംബങ്ങളും  ഉൾപ്പെടെ 40 ഓളം കുടുംബങ്ങൾക്ക് ഭക്ഷ്യ കിറ്റുകളും പുതുവസ്ത്രങ്ങളും വിതരണം ചെയ്തു . ആറളം പഞ്ചായത്ത് വൈസ് പ്രസിഡന്റ്  ജിമ്മി അന്തിനാട്ട് ഓണാഘോഷം ഉദ്ഘാടനം ചെയ്തു . ലയൺസ് ക്ലബ് ഇരിട്ടി പ്രസിഡന്റ്  വി.ജി.സുനിൽ അധ്യക്ഷത വഹിച്ചു . പാസ്റ്റ് ഡിസ്‌ട്രിക്   ഗവർണർ അഡ്വ. ഡെന്നിസ് തോമസ്  മുഖ്യപ്രഭാഷണം നടത്തി . ആറളം പഞ്ചായത്ത് സ്ഥിരം സമിതി അധ്യക്ഷ റെയ്ഹാനത്ത്  സുബി, പഞ്ചായത്ത് അംഗം ആശ  കാപ്പുങ്കൽ ,  ലയൺസ് ക്യാബിനറ്റ് കോഡിനേറ്റർ സുരേഷ് ബാബു , ഒ. വിജേഷ് , സിബി തോമസ് , എ.എം. ബിജോയി , ലിബിൻ ജോസ് ,സുരേഷ് ബാബു ,ജസ്റ്റിൻ അബ്രാഹം , സങ്കേതം  പ്രമോട്ടർ ബിനു ,അങ്കണവാടി ടീച്ചർ ഉഷ , സിനി , മിനി ഡെന്നിസ് , ഊരുമൂപ്പൻ ബാലൻ എന്നിവർ പ്രസംഗിച്ചു . യോഗത്തിൽ  പൊതുപ്രവർത്തനത്തിലെ മികച്ച സേവനത്തിന്  റെയ്ഹാനത്ത്  സുബിയെ വനിതാ പുരസ്‌കാരം നൽകി ആദരിച്ചു . സങ്കേതത്തിലെ അംഗങ്ങളുടെ വിവിധ കലാപരിപാടികളും പായസ വിതരണവും നടത്തി .