ആറളം പഞ്ചായത്തിലെ കീഴ്പ്പള്ളിക്കടുത്ത് അത്തിക്കൽ എന്ന പ്രദേശത്ത് താമസിക്കുന്നതും ആറളം പഞ്ചായത്തിലെ അറിയപ്പെടുന്ന കുടുംബമായ അത്തിക്ക കുടുംബത്തിൽപ്പെട്ടവരാണ് കുടുംബ സംഗമം നടത്തി ഒത്തുചേർന്നത്. 1982 ൽ 80-ാം വയസിൽ രോഗ ബാധിതനായി മരണപ്പെട്ട അത്തിക്ക കുഞ്ഞിക്കണ്ണന്റെ ഫാമിലിയിൽപ്പെട്ട 300 കുടുംബാംഗങ്ങളാണ് അത്തിക്കലിൽ ഒത്ത് ചേർന്നത്. സംഗമം ആറളം പഞ്ചായത്ത് പ്രസിഡണ്ട് കെ.പി.രാജേഷ് ഉദ്ഘാടനം ചെയ്യ്തു. വാർഡ് മെമ്പർ വത്സാ ജോസ് അദ്ധ്യക്ഷത വഹിച്ചു. മേട്ടയിൽ മോഹനൻ, ഗോപി അത്തിക്കൽ, വത്സൻ അത്തിക്കൽ എന്നിവർ സംസാരിച്ചു. അത്തിക്കൽ കുഞ്ഞിക്കണ്ണന്റെ ച്ചായാ ചിത്രത്തിൽ പുഷ്പ്പാർച്ചന നടത്തിയാണ് സംഗമം ആരംഭിച്ചത്. അത്തിക്കൽ കുടുംബത്തിലെ 80 വയസ് കഴിഞ്ഞവരെ ആദരിച്ചും കുടുംബാംഗങ്ങളിൽ നിന്നും സൈനീക സേവനത്തിനായി ജീവിതം മാറ്റി വെച്ച സൈനീകരെ ആദരിച്ചും ചടങ്ങ് അവിസ്മരണീയമാക്കി. കുട്ടികളുടെ കാലാ പരിപാടികളും ആസ്വദിച്ചാണ് ഈ വർഷത്തെ കുടുംബ സംഗമത്തിന് സമാപനമായത്.
റിപ്പോർട്ട്: കെ.ബി. ഉത്തമൻ