പയ്യാവൂർ: കാഞ്ഞിരക്കൊല്ലി വിനോദസഞ്ചാര കേന്ദ്രത്തിൽ കാട്ടാന ശല്യം തടയാൻ സ്ഥാപിച്ച സോളാർ ഫെൻസിംഗിന്റെ ബാറ്ററിയും എനർജൈസറും മോഷണം പോയി . അളകാപുരി വെള്ളച്ചാട്ടത്തിന് സമീപത്തായി വനമേഖലയിൽ സ്ഥാപിച്ച സോളാർ വേലിയുടെ ബാറ്ററിയും എനർജൈസറുമാണ് മോഷണം പോയത് . കഴിഞ്ഞ ദിവസങ്ങളിൽ പ്രദേശത്ത് കാട്ടാന ശല്യം രൂക്ഷമായിരുന്നു
സോളാർ വേലി തകർത്ത് ആനക്കൂട്ടം വിനോദ സഞ്ചാര കേന്ദ്രങ്ങളിലേക്കെത്തിയിരുന്നു . ഇതേ തുടർന്ന് വനം വകുപ്പ് അധികൃതർ നടത്തിയ പരിശോധനയിലാണ് ബാറ്ററിയുൾപ്പെടെ മോഷണം പോയതായി അറിഞ്ഞത് . വനം വകുപ്പ് അധികൃതരുടെ പരാതിയിൽ പയ്യാവുർ ഇൻസ്പെക്ടർ ഉഷാദേവിയുടെ നേതൃത്വത്തിൽ പോലീസ് അന്വേഷണം തുടങ്ങി .
റിപ്പോർട്ട് : തോമസ് അയ്യങ്കാനയിൽ
we one kerala - we one live t.v - we one help