.gif)
ശ്രീകണ്ഠപുരം: ഇരിക്കൂർ ബി ആർ സി യുടെ നേതൃത്വത്തിൽ ഇരിക്കൂർ ഉപജില്ലയിലെ യുപി, എച്ച്എസ് വിഭാഗം അദ്ധ്യാപകർക്കായി നടത്തപെടുന്ന ലഹരി വിമുക്ത കേരളം അദ്ധ്യാപക പരിവർത്തന പരിപാടിയുടെ ഉദ്‌ഘാടനം നടത്തി. കേരളത്തിലെ സാമൂഹിക ജീവിതം നിരവധി വെല്ലുവിളികൾ നേരിടുമ്പോൾ കുട്ടികൾക്കും രക്ഷിതാക്കൾക്കും അദ്ധ്യാപകർക്കും പൊതുസമൂഹത്തിനും ലഹരിവിമുക്ത സന്ദേശം ലഭ്യമാക്കുന്നതിനുള്ള പ്രചാരണ പരിപാടിയുടെ തുടക്കം എന്ന നിലയിൽ, അഭികാമ്യമായ ആരോഗ്യശീലങ്ങൾ വളർത്തിയെടുക്കുന്നതിനുള്ള വസ്തുക്കൾ പരിചയപ്പെടുത്തുക, അഭികാമ്യമായ ആരോഗ്യശീലങ്ങൾ കുഞ്ഞുങ്ങളിൽ വളർത്താനാവിശ്യമായ ഗാർഹികാന്തരീക്ഷത്തെക്കുറിച്ചുള്ള സംവാദം, ഏതെങ്കിലും തരത്തിലുള്ള സവിശേഷപ്രശ്നങ്ങൾ അഭിമുഖികരിക്കുന്നതിന് നാം ഒറ്റയ്ക്കല്ല ഒരുമിച്ചാണ് എന്ന ധാരണ വികസിപ്പിക്കൽ തുടങ്ങിയ ഉദ്ദേശ ലക്ഷ്യത്തോടെ നടത്തുന്ന ലഹരി വിമുക്ത കേരളം പരിപാടിയുടെ ഉദ്‌ഘാടനം ശ്രീകണ്ഠപുരം നഗരസഭാധ്യക്ഷ ഡോ. കെ വി ഫിലോമിന ടീച്ചർ നിർവ്വഹിച്ചു. ബി പി സി ഇരിക്കൂർ സുനിൽ കുമാർ ടി.വി.ഒ സ്വാഗതം പറഞ്ഞ പരുപാടിയിൽ അദ്ധ്യാപകരായ സോണി മാത്യു, അഖിൽ മാത്യു എന്നിവർ ലഹരി വിമുക്ത കേരളം എന്ന വിഷയത്തിൽ ക്ലാസ് അവതരിപ്പിച്ചു.
