ശ്രീകണ്ഠാപുരം സമരിറ്റൻ പാലിയേറ്റീവ് സെന്ററിൻറ നേതൃത്വത്തിൽ അമല മൾട്ടി സ്‌പെഷ്യലിറ്റി ഹോസ്പിറ്റലുമായി സഹകരിച്ചു കൊണ്ട് മേഖലയിലെ നിർധനരായ രോഗികൾക്കുവേണ്ടി സൗജന്യ ഡയാലിസിസ് പദ്ധതിയായ 'സാന്ത്വനം ഡയാലിസിസ് പദ്ധതി' ആരംഭിച്ചു.

ഇരിട്ടി: മലയോര മേഖലയിൽ ആദ്യമായി അത്യാധുനിക സൗകര്യങ്ങളോടുകൂടി 2015ൽ  ആരംഭിച്ച അമല മൾട്ടി സ്‌പെഷ്യലിറ്റി ഹോസ്പിറ്റലിൽ ഡയാലിസിസ് സെന്റർ 7 വർഷം പിന്നിടുകയാണ്. 15 മെഷ്യനുകളിലൂടെ പ്രതിമാസം ആയിരത്തി ലധികം രോഗികൾക്ക് ഡയാലിസിസ് സൗകര്യം ലഭ്യമാകുന്ന തരത്തിൽ ഈ സ്ഥാപനം പ്രവർത്തിച്ചുവരുന്നു.  ശ്രീകണ്ഠാപുരം സമരിറ്റൻ പാലിയേറ്റീവ് സെന്ററിൻറ നേതൃത്വത്തിൽ അമല ഹോസ്പിറ്റലുമായി സഹകരിച്ചു കൊണ്ട് മേഖലയിലെ നിർധനരായ രോഗികൾക്കുവേണ്ടി സൗജന്യ ഡയാലിസിസ് പദ്ധതിയായ 'സാന്ത്വനം ഡയാലിസിസ് പദ്ധതി' ആരംഭിച്ചു. സാന്ത്വനം ഡയാലിസിസ് പദ്ധതിയുടെ ഔപചാരികമായ ഉദ്ഘാടനം  അമല ഹോസ്പിറ്റൽ ഓഡിറ്റോറിയത്തിൽ വെച്ച്  സമരിറ്റൻ പാലിയേറ്റീവിന്റെ ഡയറക്ടർ ഫാ. ബിനു പൈംപിള്ളിലിന്റെ അധ്യക്ഷതയിൽ  പേരാവൂർ നിയോജകമണ്ഡലം  MLA അഡ്വ. സണ്ണി ജോസഫ് നിർവ്വഹിച്ചു. അഡ്വ. മാത്യു കുന്നപ്പള്ളി സ്വാഗതം പറഞ്ഞു. ഇരിട്ടി  സെന്റ് ജോസഫ് ചർച്ച് വികാർ ഫാ. സിബി ആനക്കല്ലിൽ അനുഗ്രഹ പ്രഭാഷണം നടത്തി. സി.പി.ഐ.എം കണ്ണൂർ  ജില്ലാ കമ്മിറ്റി അംഗം കെ. ശ്രീധരൻ, ഇരിട്ടി  ബ്ലോക്ക് പഞ്ചായത്ത് പ്രസിഡണ്ട് കെ. വേലായുധൻ, ഇരിട്ടി നഗരസഭ വൈസ് ചെയർമാൻ പി.പി. ഉസ്മാൻ, ഇരിട്ടി നഗരസഭ മെമ്പർ ടി.കെ. ഫസീല, ഇരിട്ടി പുഷ്പാരം സെന്റർ സുപ്പീരിയർ ഫാ. ജോർജ്ജ് നെല്ലുവേലിൽ സി.എസ്.ടി, ഇന്ത്യൻ നാഷണൽ കോൺഗ്രസ്സ് ഇരിട്ടി  ബ്ലോക്ക് പ്രസിഡന്റ് തോമസ് വർഗ്ഗീസ്, പ്രമുഖ രാഷ്ട്രീയ നേതാക്കളായ  ഇബ്രാഹിം മുണ്ടേരി, എം.ആർ സുരേഷ്, തോമസ് മാലത്ത്, വി.കെ. ബാബു, അഡ്വ. റോജസ് സെബാസ്റ്റ്യൻ, അജയൻ പായം, ടി.വി.എം വിജയൻ, ജെയ്സൺ ജീരകശ്ശേരി, പ്രൊഫ. വി.ഡി. ജോസഫ്, എസ്.ജെ. മാണി, മാധ്യമ പ്രവർത്തകൻ ഇ. സദാനന്ദൻ, ശാരദ രവി, ഡോ. ടോം ജോസ് കാക്കനാട്ട് എന്നിവർ ആശംസ അർപ്പിച്ചു സംസാരിച്ചു