പോസ്റ്റൽ ജീവനക്കാരൻ തലമുണ്ടയിലെ സി പവിത്രൻ്റെത് അപകട മരണമല്ല പീഡനം മൂലമുള്ള ആത്മഹത്യ

 കൂടാളി : പവിത്രന്റെത് ആത്മഹത്യയാണെന്ന് ചൂണ്ടികാണിച്ച്അന്വേഷണം ആവശ്യപ്പെട്ട് ഭാര്യയും കുടുംബവും

കഴിഞ്ഞ ദിവസം കൂടാളി പോസ്റ്റാഫീസ് ജീവനക്കാരൻ തലമുണ്ട ആക്കിച്ചാൽ ശോഭ നിവാസിൽ സി.പവിത്രൻ (വേങ്ങാട് തെരുവിലെ ചെമ്പൻ പവിത്രൻ ) പൊള്ളലേറ്റ് മരിച്ച സംഭവത്തിൽ അന്വേഷണം ആവശ്യപ്പെട്ട് ബന്ധുക്കൾ ചക്കരക്കൽ പോലീസിൽ പരാതി നൽകി. പോസ്റ്റാഫീസിൽ നിന്നുള്ള മാനസിക പീഡനത്തെ തുടർന്നുള്ള ആത്മഹത്യയാണെന്ന് കാട്ടിയാണ് ഭാര്യ ശോഭനയും ബന്ധുക്കളും ചക്കരക്കൽ സി ഐ ക്ക് പരാതി നൽകിയത്. പവിത്രന്റെതെന്ന് കരുതപ്പെടുന്ന ആത്മഹത്യാ കുറിപ്പ് ബന്ധുക്കൾക്ക് ലഭിച്ചിട്ടുണ്ട്. ഇതിൽ കൂടാളി പോസ്റ്റാഫീസെന്ന നരകത്തിലേക്ക് ഇനിയില്ല എന്ന സൂചനയോടെയാണ് കത്ത് ആരംഭിക്കുന്നത്.

പവിത്രന്റെ മരണത്തിന് ഉത്തരവാദിയായവരെ നിയമത്തിന് മുന്നിൽ കൊണ്ടുവന്ന് മാതൃകാപരമായ ശിക്ഷ നൽകണമെന്ന് സി പി ഐ എം തലമുണ്ട ലോക്കൽ കമ്മിറ്റിയും ആവശ്യപ്പെട്ടിട്ടുണ്ട്.