ഇരിക്കൂർ: പെരുവളത്തുപറമ്പ കുളിഞ്ഞ കുന്നുമ്പ്രത്ത് ശ്രീ മുത്തപ്പൻ മടപ്പുരയിൽ നടപ്പന്തൽ-പടിപ്പുര സമർപ്പണം പ്രശസ്ത സിനിമാ നടൻ ശ്രീ ഭരത് സുരേഷ് ഗോപി നിർവ്വഹിച്ചു.
ചടങ്ങിൽ മടപ്പുര ട്രസ്റ്റി വി.കെ ഹരിദാസൻ അധ്യക്ഷത വഹിച്ചു. മുന്നോക്ക സമുദായ ക്ഷേമ കോർപ്പറേഷൻ ഡയരക്ടർ കെ.സി.സോമൻ നമ്പ്യാർ അനുഗ്രഹഭാഷണം നടത്തി. ആഘോഷ കമ്മിറ്റി ചെയർമാൻ രമേശൻ മാസ്റ്റർ കുട്ടാവ് സ്വാഗതവും കൺവീനർ പി.പി.രാജേഷ് നന്ദിയും പറഞ്ഞു.
തുടർന്ന് ക്ഷേത്രം മാതൃ സമിതിയുടെ നേതൃത്വത്തിൽ ദീപം കലാ കൂട്ടായ്മ അവതരിപ്പിച്ച കൈകൊട്ടിക്കളിയും മട്ടന്നൂർ ഗാനതരംഗിണിയുടെ ഗാനമേളയും ഉൾപ്പടെയുള്ള കലാപരിപാടികളും അരങ്ങേറി.