ഇന്ന് രാവിലെ 11 മണിയോടെ പറശ്ശിനി മടപ്പുരസന്നിധിയിൽ മാടമന ഇല്ലത്ത് നാരായണൻ നമ്പൂതിരി കൊടിയേറ്റ് കർമ്മം നിർവഹിക്കും ഉച്ചക്ക് 1 മണിക്ക് മുത്തപ്പൻ വെള്ളാട്ടത്തിൻ്റെ മലയിറക്കൽ ചടങ്ങ് നടക്കും, വൈകുന്നേരം 3.30 ന് കാഴ്ച വരവ് സംഘം മടപ്പുരയിൽ പ്രവേശിക്കും , പിന്നീട് തെക്കരുടെ വരവ് എന്നറിയപ്പെടുന്ന കോഴിക്കോട് ,വടകര,തലശ്ശേരി ദേശക്കാരുടെ കാഴ്ചവരവുകളും മടപ്പുരയിൽ പ്രവേശിക്കും,സന്ധ്യക്ക് മുത്തപ്പൻ വെള്ളാട്ടവും , രാത്രി 10 മണിക്ക് മുത്തപ്പന്റെ അന്തിവേലയും തുടർന്ന് കലശം എഴുന്നള്ളിപ്പും നടക്കും , 3 ന് രാവിലെ 5 മണിക്ക് തിരുവപ്പന തുടങ്ങും, 3,4,തീയതികളിൽ വൈകുന്നേരം വെള്ളാട്ടവും 4 ന് രാവിലെ തിരുവപ്പന വെള്ളാട്ടവും നടക്കും ആറിന് രാവിലെ കലശാട്ടത്തോടെ മഹോത്സവചടങ്ങുകൾക്ക് കൊടിയിറങ്ങും