പരിയാരം ഗവ.മെഡിക്കൽ കോളേജ് ആശുപത്രിയിൽ തസ്തികകളിൽ ഒഴിവുണ്ട്.

 പരിയാരം :  കണ്ണൂർ ഗവ.മെഡിക്കൽ കോളേജ് ആശുപത്രിയിൽ പെർഫ്യുഷനിസ്റ്റ്, പി.എഫ്.ടി ടെക്‌നീഷ്യൻ തസ്തികകളിൽ ഒഴിവുണ്ട്. വെള്ളിയാഴ്ച (28 / 10 / 2022 ) രാവിലെ 11 മണിക്ക്  നടക്കുന്ന വാക്ക് ഇൻ ഇന്റർവ്യൂ മുഖേനയാണ് നിയമനം. ബി.എസ്.സി പെർഫ്യുഷൻ ടെക്‌നോളജി കഴിഞ്ഞിരിക്കണം എന്നതാണ് പെർഫ്യുഷനിസ്റ്റ് തസ്തികയിലെ യോഗ്യത. ഡിപ്ലോമ ഇൻ റസിപ്പിറാറ്ററി  ടെക്‌നോളജി  അല്ലെങ്കിൽ  റസിപ്പിറാറ്ററി തെറാപ്പി കഴിഞ്ഞ്  പി.എഫ്.ടി ട്രെയിനിംഗ് കോഴ്‌സ് കഴിഞ്ഞവർക്കാണ് പി.എഫ്.ടി ടെക്‌നീഷ്യൻ തസ്തികയിലേക്കുള്ള ഇന്റർവ്യൂവിൽ പങ്കെടുക്കാൻ കഴിയുക. പ്രവൃത്തിപരിചയം അഭികാമ്യം. നിയമനം താത്കാലികമായിരിക്കും. താൽപ്പര്യമുള്ളവർ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകളും ആയതിന്റെ ഒരു പകർപ്പും സഹിതം ഇന്റർവ്യൂവിന് അരമണിക്കൂർ മുമ്പെങ്കിലും പരിയാരത്തെ കണ്ണൂർ ഗവ.മെഡിക്കൽ കോളേജിലെ  മെഡിക്കൽ സൂപ്രണ്ട് ഓഫീസിൽ നേരിട്ട് റിപ്പോർട്ട് ചെയ്യേണ്ടതാണ്. കൂടുതൽ വിവരങ്ങൾ www.mcpariyaram.com  എന്ന  സ്ഥാപനത്തിന്റെ വെബ്‌സൈറ്റിൽ ലഭ്യമാണ്.